ក្រចេះ ៖ ពលរដ្ឋដែលរស់នៅក្នុងក្រុងក្រចេះបានលើកឡើងថា ការពួកគាត់មានការព្រួយបារម្ភយ៉ាងខ្លាំង ពាក់ព័ន្ធ នឹងក្លិនស្អុយ សាយភាយ ចេញពីរការបង្ហូរទឹកកខ្វក់ ពីរោងចក្រកែច្នៃដំឡូងមីមួយកន្លែងរបស់ក្រុមហ៊ុន ស៊ិងសុង អ៊ិនដាសស្ត្រៀល (ខេមបូឌា)SingSong industrial(Cambodia)co.Ltd.ដែលស្ថិតនៅក្នុងភូមិកាប៉ូ សង្កាត់អូរឬស្សី ក្រុងក្រចេះ ដែលបង្ហូរចូល តាមអូរ ព្រែកនានា ។ ហើយក្លិនស្អុយនេះធ្វើឲ្យប៉ះពាល់ ដល់ការរស់នៅរបស់ពួកគាត់ ព្រមទាំងប៉ះពាល់ដល់សត្វពាហនៈរបស់គាត់ពេលដែលមកផឹកទឹកព្រែកនោះ ។
ពលរដ្ឋបានបន្តទៀតថា ដោយមានការពិបាកទ្រាំនូវក្លិនស្អុយនេះ ទើបពួកគាត់បាន សំណូមពរឲ្យអាជ្ញាធរ ជួយរកវិធានការទប់ស្កាត់ពីផលប៉ះពាល់ និងទុក្ខលំបាករបស់ពួកគាត់ព្រោះក្លិនទាំងនេះបណ្ដាលឲ្យប៉ះពាល់ដល់បរិស្ថាន និងប៉ះពាល់សុខភាពយ៉ាងខ្លាំង។
លោក យិន វណ្ណះ អភិបាលក្រុងក្រចេះ បានឲ្យដឹងនៅរសៀលថ្ងៃទី២៥ ខែធ្នូ ឆ្នាំ២០១៨នេះថា ខាងអាជ្ញាធរបានចុះទៅពិនិត្យ ចំនួន៣ដងនិងបញ្ឍប់ក្រុមហ៊ុនឲ្យផ្អាក់ដំណេីរការហើយ ការហូរជ្រាបកាកសំណល់និងក្លិនស្អុយដោយសារ ខាងក្រុមហ៊ុនកូរ៉េសាងសងខុសបច្ចេកទេស ហើយកំពុងជួសជុលឡើងវិញជិតរួចហើយ។
លោកអភិបាលក្រុងសូមអំពាវនាយដល់ពលរដ្ឋទាំងអស់ឲ្យឈប់ព្រួយបារម្ភទៀតព្រោះក្រុមហ៊ុនកំពុងជួសជុលឡើងវិញ និងបាត់ជេះក្លិនស្អុយឬជ្រាប់ទឹកចេញចូលអូរ ព្រែកទៀតហើយនៅពេលដ៍ខ្លីមុខនេះ ។
លោក ដួង ឆាយសាវុធ ប្រធានមន្ទីរបរិស្ថានខេត្តបានឲ្យដឹងថា រឿងក្រុមហ៊ុនបង្ហូរទឹក និងជះក្លិនស្អុយដល់ពលរដ្ឋនោះ នៅថ្ងៃទី២៤ម្សិលនេះ ខាងក្រសួងបរិស្ថាន មន្ទីរបរិស្ថានខេត្ត រួមនិងអាជ្ញាធរបានចុះពិនិត្យ ក្នុងរោងចក្រកែច្នៃដំឡូងមី នោះ ឃើញថាខាងក្រុមហ៊ុនមិនមានដំណើរការទេ ដោយបានផ្អាក់តាំងពីថ្ងៃទី១៩ ខែធ្នូ មកម្លេះក្រោយពីអាជ្ញាធរ និងមន្ទីពាក់ពន្ធបានចុះហាមឃាត់។ ហើយខាងក្រុមហ៊ុន រោងចក្រដំឡូងមី កំពុងជួសជុលប្រពន្ធ័បង្ហូរទឹក និងក្លិនស្អុយ ដើម្បីឲ្យបាត់ស្អុយ នៅពេលឆាប់ៗខាងមុខនេះហើយ ៕
