ភ្នំពេញ៖ អតីតពិធីករ ប្រចាំស្ថានីយ៍ទូរទស្សន៍ CTN និងទូរទស្សន៍ប៉ុស្តិលេងខ៩លោក ហែម បូរិទ្ធ ហៅ ឡាយ អិន ត្រូវមន្ទីរប្រឆាំងគ្រឿងញៀន ឃាត់ខ្លួន រួមជាមួយមនុស្ស ៣នាក់ទៀត នៅថ្ងៃទី២១ ខែធ្នូ ឆ្នាំ២០១៨ទាក់ទងនិងការជួញគ្រឿងញៀន ជាង១គីឡូក្រាម និងកាន់កាប់អាវុធខុសច្បាប់ ។
លោក ហែម បូរិទ្ធ ឬហៅ DJ Lion (ឡាយ អិន) អតីតពិធីករ ស្ថានីយទូរទស្សន៍ CTN ដៃគូ នាយទុយ ធ្វើឲ្យមហាជន នឹកស្មានមិនដល់ព្រោះក្រោយពីបាត់មុខពីសិល្បៈមួយរយៈដោយសារការបែកបាក់គ្រួសារ(ប្រពន្ធរត់ចោលដែលលោកឡាយអឹនថាទៅយកបងថ្លៃ) លោក ត្រូវ មន្ទីរប្រចាំគ្រឿងញៀន បង្រាបបាន ពាក់ព័ន្ធបទល្មើស ជួញដូរគ្រឿងញៀន និងកាន់កាប់អាវុធខុសច្បាប់ទៅវិញជាមួយបក្ខពួក ៣នាក់ទៀត ។
ក្នុងការឃាត់ខ្លួន DJ ឡាយ អិន និងបក្ខពួក សរុបគ្នា៤នាក់ (ស្រី១នាក់) សមត្ថកិច្ច ដកហូតបាន ១-ថ្នាំមេតំហ្វេតាមីន(ICE)ទម្ងន់៣៧៤.៣៩ក្រាម ២-សារធាតុញៀន ប្រភេទអ៊ិចស្តាស៊ី ចំនួន១៥៦២គ្រាប់ ស្មើទម្ងន់ និង៦០៩.៣៣ក្រាម (សរុបជាង១គីឡូក្រាម) ៣-អាវុធខ្លី១ដើម (ឡុក) ៤-ជញ្ជីងថ្លឹងគ្រឿងញៀនធំ ១គ្រឿង និងតូច២គ្រឿង ។