ខេត្តព្រៃវែង ៖ ករណីចុះបង្រាបបទល្មើសនេសាទចាប់ពីទី០៥ ខែកក្កដា ឆ្នាំ២០១៦ រហូតដល់ថ្ងៃ១៤-១៥ ខែកក្កដា ឆ្នាំ ២០១៦ គណៈកម្មាការចុះបង្ក្រាបបទល្មើសជលផល ត្រូវបានបង្កើតឡើង ដែលដឹកនាំដោយ យ៉េម ភាព អភិបាលរងស្រុកពាមរក៍ ដោយសហការជាមួយលោក មាន សាវី ប្រធានសង្កាត់រដ្ឋបាលជលផលប្រចាំស្រុក បានចុះប្រតិបត្តិការបង្ក្រាបបទល្មើសនារដូវបិទឡូនេសាទនេះ ដែលជាលទ្ធផលបានចាប់រិបអូសលូស្បៃមុង ៨ មាត់ របាំងស្បៃប្រវែង280ម និងរុះរើចំរឹងចំនួន280ដើម និងត្រីចំរុះទំងន់100kg របាំងព្រួល និងព្រួលឫស្សីប្រមាណ 8ម នៅចំណុចព្រែកថ្មី និងព្រែកចិនឡក់ ។
ក្រុមបង្ក្រាបបទល្មើសក៏បានរុះរើរបាំងព្រួលប្រវែង10ម និងបង្គោលចំរឹងចំនួន60ដើមដែលទន្ទឹមនឹងនេះ ទីតាំងអភិរក្សជលផលកំពុងចំណាឡុក កត្រូវបានក្រុមជនល្មើសនេសាទបានរំលោភចូលអូសអួន ហើយត្រូវបង្ក្រាបនៅហ្នឹងកន្លែងដោយបានសាររឹបអូសយករបាំងសាច់អួន 120ម ចំរឹង170ដើម ហើយសម្ភារៈល្មើសនេសាទទាំងអំបានមាណត្រូវបានគណកម្មាការបទល្មើសជលផលធ្វើការដុតបំផ្លាញចោលនៅហ្នឹងកន្លែងតែម្ដង ក្នុងគោលបំណងធ្វើយ៉ាងណាបទស្កាត់កុំឱ្យជនល្មើសនេសាទទាំងនោះប្រព្រឹត្តទង្វើអស់នេះជាបន្តទៀតដើម្បីរក្សាឱ្យបាននូវមច្ឆាជាតិតាមដែលអាចធ្វើទៅបាន ។
ទោះបីអាជ្ញាធរខិតខំប្រឹងប្រែងយកអស់កម្លាំងកាយចិត្តប្រាជ្ញាស្មារតីធ្វើការបង្ក្រាបបទល្មើសជាប្រចាំយ៉ាងណាក៏ជនល្មើសនៅតែបន្តប្រព្រឹត្តបទល្មើសមិនឈប់ឈរ មិនខុសអីពីដូចវែកចកកណ្ដាលទន្លេរអញ្ចឹង ទាំងនេះមិនដឹងថាជនល្មើសអាងអីបានជាចេះតែប្រព្រឹត្តបទល្មើសដោយគឃ្លើនបែននេះ។
សព្វថ្ងៃនេះ ធនធានធម្មជាតិកម្ពុជា កំពុងរងការបំផ្លិចបំផ្លាញយ៉ាងធ្ងន់ដោយក្រុមនិគមជនវៀតណាម លួចឆ្លងដែនដោយខុសច្បាប់នៅតាមទន្លេរ បឹងបួរពិសេសនៅបឹងទន្លេរសាប មានជនជាតិវៀតណាមចូលមករស់នៅតាមទូកធ្វើការនេសាទដោយបំផ្លិចបំផ្លាញ តាំងពីត្រីឆ្ដោត្រីរស បង្កងបង្គារ ហើយសូម្បីតែត្រីចង្វារ កំពឹសកំពងរងការបំផ្លិចបំផ្លាញយ៉ាងធ្ងន់ធ្ងរ។
រហូតមកដលពេលនេះ មិនដឹងថាជនអន្តោប្រវេស្តន៍វៀតណាមខុសច្បាប់ចូលមកប្រទេសកម្ពុជាយើងតាមប្រហោងណា ហើយមិនដឹងថាក្រសួង និងស្ថាប័នសមត្តកិច្ចបាដឹងឬជ្រាបខ្លះៗទេ? ៕