កំពង់ឆ្នាំង៖កាលពីរសៀលថ្ងៃទី១៨ធ្នូ ឆ្នាំ២០១៨ នៅចំណុចជើងភ្នំបង្គោលកី ឋិតនៅក្នុងភូមិគល់គប់ ឃុំស្រែថ្មី ស្រុករលាប្អៀរខេត្តកំពង់ឆ្នាំងមានករណីគ្រឿងចក្រលួចចូលជីកកកាយដីជើងភ្នំដោយមិនដឹងថាមានច្បាប់អនុញ្ញាតដែរឺអត់នោះទេ។
បន្ទាប់ពីអ្នកសារព័ត៌មានយើងសួរនាំម្ចាស់គ្រឿងចក្រមួយគ្រឿងនេះបានឆ្លើយថាគេមានច្បាប់ត្រឹមត្រូវ ដែលម្ចាស់មានឈ្មោះថាប៉ោង ។ ក្រោយពីឆ្លើយប្រាប់អ្នកសារព័ត៌មានរួចអ្នកបើកគ្រឿងចក្រក៏បានបញ្ជាគ្រឿងចក្របើករត់តែម្តង។
ពាក់ព័ន្ធនឹងចំណុចនេះក្រុមអ្នកសារព័ត៌មានបានតេទូរស័ព្ទទៅលោក លោកអ៊ុក រស់ លោកថាគ្រឿងចក្រនោះមានច្បាប់។ សួរថាបើសិនមានច្បាប់ចាំបាច់បើករត់ធ្វើអ្វី??? តើច្បាប់ឯណាដែលអនុញ្ញាតអោយជីកកកាយដីភ្នំបែបនេះ? ព្រោះនៅក្នុងច្បាប់ ភ្នំ ទន្លេ បឹងបួរ ជាសម្បត្តិរបស់រដ្ឋបន្ទាប់មកទៀតយើងក៏ទាក់ទងទៅខាងលោក ងិន ហ៊ុន មន្ទីប្រធានមន្ទីរកសិកម្មខេត្តកំពង់ឆ្នាំង។
បន្ទាប់មកទៀតដោយសារម្ចាស់គ្រឿងចក្រឆ្លើយថាដីដែលគាត់កាយនេះគឺមានការអនុញ្ញាតពីមន្ទីរសាធារណការនិងដឹកជញ្ជូនខេត្តកំពង់ឆ្នាំង។ ខណៈនោះក្រុមអ្នកសារព័ត៌មានយើងក៏ទាក់ទងទៅឯកឧត្តមកែវ ពៅ ប្រធានមន្ទីរសាធារណការនិងដឹកជញ្ជូន ពេលនោះឯកឧត្តមបានមានប្រសាសន៍អោយដឹងថាលោកមិនបានដឹងនោះទេ។ ចុះបើមានច្បាប់មែនចាំបាច់បើករត់ធ្វើអី។
សូមបញ្ជាក់ថា ៖រយៈកាលកន្លងមកពួកឈ្មួញតែងតែទៅលួចជីកកាយដីជើងភ្នំឡើងរូងនិងវាលអស់ស្ទើរគ្រប់ភ្នំខេត្តកំពង់ឆ្នាំង ជាក់ស្ដែងដូចជាភ្នំក្រាំងដីមាសទាំងខាងជើងនិងខាងត្បូង ភ្នំរោងដំរីខាងលិចអាស្រមរោងដំរី ភ្នំដំរីរមាលផ្នែកខាងជើង និងភ្នំបង្គោលកីស្រីម៉ៅនេះឯងជាដើម។ចំណែកអស់អស់លោកមន្ត្រីតាមជំនាញផ្សេងៗតែងតែលាក់ការជិតឈឹងទាល់តែព័ត៌មានផ្សាយទើបបែកការណ៍)៕
