«ស្លឹកតើយ» ឬ ស្លឹកតយ ត្រូវបានគេនិយមប្រើវាសម្រាប់ផ្តល់ ក្លិនឈ្ងុយក្នុងម្ហូបចំណីអាហារ ជាពិសេសគឺសម្រាប់ធ្វើឱ្យបាយក្រអូបគួរឱ្យចង់ទទួលទាក្រៅពីនេះ ស្លឹកតើមថែមទាំងត្រូវបានគេដឹងថាមានប្រយោជន៍ខាងផ្នែគឱសថបុរាណជួយដល់សុខភាព និងសម្រស់បានផងដែរ ដោយគ្រាន់តែយកស្លឹកតើយដាំជាមួយទឹក ដើម្បីធ្វើជាតែទទួលទានប៉ុណ្ណោះ។
ដូច្នេះចង់ដឹងថាស្លឹកតើយជួយបានអ្វីខ្លះមកតាមដានទាំងអស់គ្នា៖
១. ជួយបន្ថយសម្ពាធឈាម៖ស្លឹកតើយអាចជួយបន្ថយសម្ពាធឈាម ដែលឡើងខ្ពស់ឱ្យស្ថិតមកសភាពប្រក្រតីវិញ ថែមទាំងអាចបំបាត់អាការវិលមុខ ធីងធោង និងអស់កម្លាំង ។
២. ជួយគ្រប់គ្រងកម្រិតជាតិស្ករ៖សារធាតុសំខាន់ៗនៅក្នុងស្លឹកតើយ អាចជួយកាត់បន្ថយការប៉ះពាល់ ដល់ការផលិតអរម៉ូនអាំងស៊ុតលីន។ ដូច្នេះការទទួលទានតែស្លឹកតើយជាប្រចាំ អាចជួយកាត់បន្ថយជាតិស្ករក្លុយកូសនៅក្នុងឈាម ដែលទាំងនេះសុទ្ធតែ មានផលល្អចំពោះអ្នក ដែលមានជំងឺទឹកនោមផ្អែមតែម្តង។
៣. បំបាត់ការឈឺចុកចាប់ក្នុងរាងកាយ និងសាច់ដុំ៖ទទួលទានតែស្លឹកតើយ អាចជួយបញ្ចុះកម្តៅ និងអាចជួយបន្ថយការឈឺចុកចាប់ផ្សេងៗបានដូចជា អាការគ្រុនក្តៅ ក្រពះពិបាករំលាយអាហារ និងបន្ថយអាការរមួលក្រពើបានផងដែរ។
នៅក្នុងនោះផងដែរ ស្លឹកតើយត្រូវបានគេដឹងថា អាចយកមកព្យាបាលជំងឺរលាកសន្លាក់ផងដែរ ដោយគ្រាន់តែយកស្លឹកតើយមកបុក រួចយកទៅដាំជាមួយប្រេងដូងឱ្យក្តៅ សឹមបិទលើមុខរបួសសន្លាក់ជាការស្រេច។
៤. ជួយការពារមូសខាំ៖គ្រាន់តែយកស្លឹកតើយមកបុក ពូតយកតែទឹក មកលាបលើស្បែកប៉ុណ្ណោះ ត្រូវបានគេដឹងថាអាចជួយការពាររាងកាយពីសត្វមូសបានយ៉ាងប្រសើរ ជាពិសេសម្រាប់រដូវមូសខ្លាតែម្តង។
៥. ជំនួយដល់ជំងឺសន្លាក់៖ជាតិអាស៊ីតឡើងខ្ពស់ ក្នុងរាងកាយ (Uric Acid) នឹងអាចធ្វើឱ្យអ្នកកើតមានជំងឺរលាកសន្លាក់ Gout បាន ប៉ុន្តែការទទួលទានតែស្លឹកតើយជាប្រចាំ ត្រូវបានគេដឹងថាអាចជួយបន្ថយជាតិអាស៊ីតនៅក្នុងឈាម ឱ្យត្រលប់មកសភាពធម្មតាវិញជំនួយដល់អ្នកដែលមានបញ្ហាសន្លាក់ Gout ជាពិសេសថែមទាំងអាចជួយកម្ចាត់បញ្ហាក្រួសក្នុងតម្រងនោមផងដែរ។
៦. កម្ចាត់សត្វកន្លាត៖ស្លឹកតើយក៏អាចជួយកម្ចាត់ សត្វកន្លាតដែលសម្បូរ ទៅសោយមេរោគផងដែរ ដោយគ្រាន់តែអ្នកយកស្លឹកតើយ ទៅត្រាំនៅក្នុងទឹកធម្មតា ហើយយកដាក់ក្នុងដបបាញ់នៅត្រង់កន្លែងដែលសម្បូរ ទៅដោយសត្វកន្លាតជាការស្រេច។
៧. ប្រឆាំងនឹងជំងឺមហារីក៖ស្លឹកតើយ អាចជួយការពារកោសិកាមហារីក កាចសាហាវ ថែមទាំងប្រឆាំងនឹងជាតិពុលដែលបង្កគ្រោះថ្នាក់ ដល់សុខភាពផងដែរ។ ម្យ៉ាងវិញទៀត ការទទួលទានតែស្លឹកតើយជាប្រចាំ ត្រូវបានគេដឹងដែរថា អាចជួយទប់ស្កាត់ការរីករាលដាល និងព្យាបាលជំងឺមហារីកទៀតផង។
៨. ជួយដល់បញ្ហាស្បែក និងសក់
– សសៃសក់៖ ស្លឹកតើយ ក៏ត្រូវបានគេយកមកធ្វើការ ព្យាបាលបញ្ហាជ្រុះសក់ និងអង្គែលើស្បែកក្បាលផងដែរ ដោយគ្រាន់តែយក ស្លឹកតើយប្រមាណជា ១០សន្លឹក មកបុកឱ្យហ្មត់ រួចលាយជាមួយទឹកស្អាត ១០០មីលីត្រ រួចយកមកលាបឱ្យសព្វសក់ និងស្បែកក្បាលគ្របទុកចោល ៣០នាទីចាំលាងជាមួយទឹកធម្មតា ឬកក់ជាមួយសាប៊ូក៏បាន។ ម្យ៉ាងវិញទៀត ប្រសិនជាយកស្លឹកតើយ ទៅដាំជាមួយទឹកធម្មតាឱ្យពុះ ទុកឱ្យត្រជាក់ ហើយយកទឹកនេះមកលាបលើសក់ និងស្បែកក្បាល នឹងធ្វើឱ្យសក់របស់អ្នក ទន់ រលោងស្អាតជាក់ជាមិនខាន។
– ស្បែកមុខ៖ គ្រាន់តែយកស្លឹកតើយ មកបុកឱ្យហ្មត់រួចលាយជាមួយទឹកធម្មតា សឹមយកមកលាបលើផ្ទៃមុខ ក៏អាចជួយធ្វើឱ្យផ្ទៃមុខរបស់អ្នក ទន់ រលោង ភ្លឺថ្លាផងដែរ។
៩. ជួយបង្កើនចំណង់អាហារ
សម្រាប់អ្នកដែលមិនសូវជាឃ្លានអាហារ ឬធុំក្លិនអាហារ មិនចង់ទទួលទានអ្វីទាំងអស់នោះ ជាពិសេសអ្នកដែលកំពុងតែមានជំងឺ ឬទើបតែពីជាសះស្បើយពីជំងឺតែម្តង ការទទួលទានតែស្លឹកតើយជាប្រចាំអាចជួយបង្កើនចំណង់អាហាររបស់អ្នកបានយ៉ាងប្រសើរផងដែរ។
