ភ្នំពេញ៖ប្រធានគណបក្សខ្មែរក្រោក លោកសុខសុវណ្ណ វឌ្ឍនាសាប៊ុងដែលបច្ចុប្បន្នមានឋាថានៈទេសរដ្ឋមន្ត្រីនៅថ្ងៃទី១៤ ខែធ្នូបានពាក្យ ដាក់បណ្តឹងទៅតុលាការរាជធានីភ្នំពេញ ឲ្យចាប់ខ្លួនឧកញ៉ា ឌួង ឧត្តមឆវិន ហៅឌួង ឆាយ ចំនួន៤បទល្មើស ព្រោះមានប្រវត្តិមិនល្អកាចសាហាវីម្បីធានាដល់សន្តិសុខសុវត្ថិភាព ដល់ដើមបណ្តឹង ។
ពាក្យបណ្តឹងប្តឹងឧកញ៉ាឌួង ឆាយ ចំនួន៤បទល្មើស ប្រមាថអ្នករាជការសាធារណៈ បរិហារបង្កាច់កេរ្តិ៍ ញុះញង់ឱ្យប្រព្រឹត្តបទឧក្រិដ្ឋជាអាទិ៍ និង ញុះញង់ឱ្យមានការរេីសអេីង តាមក្រមព្រហ្មទណ្ឌស្នើផ្តន្ទាទោសឧកញ៉ា ឌួង ឆាយ តាមច្បាប់ និង ទាមទារសំណងជំងឺចិត្តចំនួន៥០០០លានរៀល ដោយថវិកាទាំងនោះ លោក វឌ្ឍនាសាប៊ុង នឹងប្រគល់ជូនរាជរដ្ឋាភិបាលកម្ពុជា ក្នុងការជួយចូលរួមកសាងហេដ្ឋារចនាសម្ព័ន្ធជាតិ ។
ការប្តឹងផ្ដល់នេះ គឺ កើតឡើងដោយសារការឆ្លងឆ្លើយគ្នាតាមបណ្ដាញសង្គមហ្វេសប៊ុក របៀបឌឺដងគ្នាទៅវិញទៅមក។រឿងឧកញ៉ានាំទំនិញគេចពន្ធនិងរឿងដកលោកឃឹមប៊ុនសុងចេញពីចៅហ្វាខេត្តសៀមរាបគឺដោយសារតែលោកសុខសុវណ្ណ វឌ្ឍនាសាប៊ុងហៅលោក William Guang ។
តែឧកញ៉ាវ័យក្មេងដែលមួយរយៈក្រោយនេះល្បីនិងការធ្វើការងាមនុស្សធមិប្រកាសថាស្វាគមន៍។ តាមរយៈហ្វេសប៊ុកលោកឧកញ៉ាឌួងឆាយនិយាយឌឺថា៖ប្តឹងរឿងអីគេ, គួរអោយអស់សំណើចមែន, បើប្តឹងខ្ញុំមិនបានលោកឯងអន់ជាងសត្វឆ្កែទៅទៀត ដែលមិនហ៊ានភ្នាល់ហើយបង្វិលការចាប់អារម្មណ៍ទៅលាបពណ៍ខ្ញុំ ពិតជាកំសាកថោកទាបណាស់។ លោកនិយាយថាមិនបានដឹងអីសោះ, អត់ចេះខ្មាស់គេមែន។
ចឹងបានន័យថា លោកចោទប្រកាន់ឧកញ៉ាទូទាំងប្រទេសគេចពន្ធរដ្ឋ និងពាក់ព័ន្ធជាមួយចារកម្មទាំងអស់រឺ? ប្តឹងតាមសម្រួល ខ្ញុំរង់ចាំនៅទីនេះហើយត្រៀមទទួលពាក្យបណ្តឹងវិញផង, ខ្ញុំនឹងធ្វើអោយលោកឯងភ្លឺភ្នែកម្តង។ មនុស្សខ្ញុំមិនចេះយកអតីតកាលរបស់គេមកនិយាយនោះទេ, ជាពិេសសរឿងលោកឯងបោកស្រីៗ, ពីព្រោះមិនមែនជាគុណធម៍របស់ខ្ញុំ។
ក្នុងពេលដែលទៅចូលរួមខួបបង្កើតក្លឹបកំសាន្តសោនរបស់លោកឧកញ៉ាឌួងឆាយលោកផែងវណ្ណៈបានចេញមុខគាំត្រលោកឌួងឆាយ។
លោកផែង វណ្ណៈ បានសរសេរថា៖ ថ្ងៃនេះទទួលដំណឹងថា មានមេបក្សចាញ់ឆ្នោតមួយបានប្ដឹងប្អូនឧកញ៉ា ឌួង ឆាយ ។ ហេ ហេ ប្អូនឧកញ៉ា ឌួង ឆាយ ឃើញអញ្ចឹងភ័យខ្លាំងណាស់ កំពុងរកផ្លូវរត់គេចខ្លួន ។ ហេ ហេ កុំបារម្មណ៍ មានបងម្នាក់គាំទ្រហើយការពារប្អូនជានិច្ច ត្រឹមមេបក្សចាញ់ឆ្នោតម្នាក់មិនអាចដើរប្ដឹងតាមចិត្តបានទេ។
អ្នកតាមដាននិយាយថា លោកសុខសុវណ្ណ វឌ្ឍនាសាប៊ុងហៅលោក William Guangមេគណបក្សនយោបាយដែលឡើងបុណ្យដោយចៃដន្យត្រូវគេបង្ក្រាបហើយ កុំឲ្យក្អេងក្អាងពេក ស្រុករំដួលនោះ!៕
