ក្រចេះ ៖ អាជ្ញាធរខេត្តក្រចេះ បានធ្វើពិធីទទួលស្វាគមន៍ និងផ្តល់ពាន់រង្វាន់ជូនដល់កីឡាករ ដែលទទួលជ័យលាភី លេខ ១ ២ ៣ និងធ្វើពិធីបើកបន្តការប្រណាំងកង់របស់ក្រុមកីឡាករ នៃវិទ្យុសម្លេងទីក្រុងហូជីមីញ VOH នៃសាធារណះរដ្ឋសង្គមនិយមវៀតណាម ជុំប្រណាំង ៣ប្រទេស ឥណ្ឌូចិន។
មកដល់ពេលនេះ ត្រូវបានបញ្ជប់ហើយ ការប្រណាំងកង់នេះ គឺចេញជា៣ដំណាក់កាល ទី១ ផ្តើមដំណើរចេញពី ក្រុងប៊ិញឡុង ប្រទេសវៀតណាម ឆ្ពោះមកកាន់ទឹកដីខេត្តក្រចេះ ទី២ បន្តពីក្រចេះ ឆ្ពោះទៅខេត្តស្ទឹងត្រែង និងទី៣ បន្តពីខេត្តស្ទឹងត្រែង ឆ្ពោះទៅប្រទេសឡាវ ហើយបន្តចូលគោលដៅដើមទីទៅវៀតណាមវិញ។
ព្រឹត្តិកាណ៍ប្រណាំងកង់អន្តរជាតិជាលើកដំបូងនេះ គឺមានរយះពេល១២ថ្ងៃ ដោយបានចាប់ចេញដំណើរនៅព្រឹកថ្ងៃទី១១ ធ្នូ ២០១៨ ដោយបានជិះប្រណាំង មកដល់ក្រុងក្រចេះ នាម៉ោង១១នឹង៣០នាទីថ្ងៃដដែល ដែលមានចម្ងាយផ្លូវ ១៤៤ គឺឡូម៉ែត (ដោយគិតពីគោលដៅចេញ មកដល់ខេត្តក្រចេះ) ។ ចំពោះកីឡាករ ដែលចូលរួមជិះកង់ប្រណាំង មានចំនួន ៦៤នាក់ មាន ៣ប្រទេសគឺ វៀតណាម ឡាវ និងកម្ពុជា នៅក្នុងនោះឃើញថាមានកីឡាករ វៀតណាមចូលរួមច្រើនជាងគេ។
នៅក្នុងពិធីទទួលស្វាគមន៍ និងផ្តល់ពាន់រង្វាន់ជូនដល់កីឡាករ ដែលទទួលជ័យលាភីលេខ ១ ២ ៣ ឯកឧត្តម វ៉ា ថន អភិបាលខេត្តក្រចេះ មានប្រសាសន៍ថ្លែងអំណគុណដល់អគ្គនាយកវិទ្យុសម្លេងទីក្រុងហូជីមីញ ដែលបានផ្តួចផ្តើមគំនិតនេះឡើង ដើម្បីអោយពលរដ្ឋក្នុងក្រចេះ បានឃើញពីរបៀបរបប នៃការប្រណាំងកង់ខ្នាតធំ ដែលមាន ៣ប្រទេសចូលរួម ដែលមានចំងាយផ្លូវ សរុបជិត២០០០គឺឡូម៉ែត្រឯណោះ ដោយត្រូវបន្តជិះទៅដល់ប្រទេសឡាវ។ អ្វីដែលគួរឲ្យគត់សម្គាល់ គឺកីឡាករទាំងអស់នៅតែមានទឹកមុខញញឹមរីករាយសប្បាយ។
ឯកឧត្តម បានបន្ថែមទៀតថា ការប្រណាំងកង់នេះ គឺការជារឹតចំណង់មិត្តភាព សាមគ្គីភាព រវាងប្រទេសជិតខាងនឹងគ្នា កាន់តែមានភាពជិតស្និត និងក៏ជាការចូលរួមអប់អរសារទរ នាថ្ងៃទិវាជាប្រវត្តសាស្ត្រ ជ័យជំនះ ៧មករា ដែលជាថ្ងៃកំណើតទី២ របស់ប្រជាពលរដ្ឋខ្មែរ នៅតែចង់ចាំជានិច្ច ដែលឈានចូលមកដល់នាឆាប់ៗខាងមុខនេះ។
ចំពោះកីឡាករ ដែលទទួលបានជ័យលាភីក្នុងចំងាយផ្លូវ១៤៤គឺឡូម៉ែត ពីទីក្រុងប៊ិញឡុង ឆ្ពោះមកខេត្តក្រចេះ ក្នុងដំណាក់កាលទី១នេះឃើញថា ១២រូប ដែលទទួលពាន់រង្វាន់ និងថវិការ ពីឯ ឧ វ៉ា ថន ក្នុងនោះមានកីឡាករ កម្ពុជាយើងទទួលបានជ័យលាភ័យផងដែរ ៕
ដោយ ៖ កិះ ខន