រតនគីរី ៖ ព្រានព្រៃប្រើអាវុធកែឆ្នែឈ្មោះ ម៉ង ឡុង និងឈ្មោះ ខាំ ប៊ុន សព្វថ្ងៃរស់នៅភូមិទាមក្រោម ឃុំកុក ស្រុកវ៉ើនសៃ ខេត្តរតនៈគីរីបានជួបឧប្បត្តិហេតុគ្រោះថ្នាក់នាថ្ងៃទី14 ខែកក្ដដា ឆ្នាំ2016 ដោយកាំភ្លើងរៀលកៃ ក្នុងខណៈព្រានទាំងពីរនាក់ជិះម៉ូតូឌុបគ្នាត្រឡប់ពីបាញ់សត្វវិញ ដោយអាវុធគេបានដាក់បន្តោកនៅនិងដៃម៉ូតូយោលឡើងចុះក្នុងដំណើរទៅឆ្លុះសត្វ ស្រាប់តែកាំភ្លើងកែឆ្នៃនោះផ្ទុះ បណ្ដាលឱ្យត្រូវចំភ្លៅរបស់ ឈ្មោះ ខាំ ប៊ុន ដែលជាដៃគូនឹងព្រានព្រៃ ម៉ង ឡុង កំពុងជិះពីក្រោយរបួសយ៉ាងដំណម់។
ពេលនេះ ជនរងគ្រោះដែលត្រូវកាំភ្លើងកែឆ្នៃប្រើគ្រាប់កិបផ្ទុះត្រូវភ្លៅបានបញ្ជូនទៅព្យាបាលនៅមន្ទីរពេទ្យបង្អែកខេត្ត រីឯព្រានព្រៃ ម៉ង ឡុងត្រូវបាន អធិការស្រុកវ៉ើនសៃ កោះហៅឱ្យទៅចូលឆ្លើយបំភ្លឺពីករណីប្រើប្រាស់អាវុធកែឆ្នៃ មកដល់ពេលនេះមិនដឹងថាជោគវាសនារបស់ ព្រានព្រៃម្នាក់នេះទៅជាយ៉ាងណាទៅហើយទេ រហូតមកដល់ពេលនេះយើងនៅមិនទាន់ដឹងដំណឹងនេះលំអិតនៅឡើយ។
តាមពិតប្រជាពលរដ្ឋយើងគួរតែបញ្ឈប់រាល់ការប្រើប្រាស់នូវអាវុធកែឆ្នៃគ្រប់ប្រភេទ ព្រោះសុទ្ធសឹងតែជាទង្វើខុសច្បាប់ ប៉ុន្ដែដោយភាពខ្វះការយល់ដឹង ធ្វើអ្វីតាមតែចិត្តចង់ធ្វើគិតថាបានប្រយោជន៍ ដោយមិនយល់ច្បាប់មិនត្រឹមតែមិនបានប្រយោជន៍ហើយ វាថែមទាំងនាំទុក្ខដល់ខ្លួនឯងទៅវិញ ជាក់ស្ដែងដូចករណីនេះជាដើម សាច់មិនបានស៉ី យកឆ្អឹងព្យួរក៕
