សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី០៦ ខែធ្នូឆ្នាំ២០១៨ថាបានថ្លែងប្រាប់ក្រុមអ្នកសារព័ត៌មានឱ្យដឹងអំពីលទ្ធភាពនៃការដកកបម្រាមសកម្មភាពនយោបាយរបស់ថ្នាក់ដឹកនាំអតីតគណបក្សសង្គ្រោះជាតិមួយចំនួនដែលតុលាការកំពូលដាក់បំរាមឡើងវិញដោយសម្តេចបញ្ជាំក់ថា៖ ករណីយ៍នេះ អាចធ្វើទៅបានលុះត្រាតែវិសោធនកម្មច្បាប់ចូលជាធរមានប៉ុណ្ណោះ។
សម្តេចក្រឡាហោមដែលជាអ្នកប្តឹងតុលការកំពុលឲ្យរំលាយចោលនិងដាក់បំរាមគណបក្សសង្គ្រោះជាតិកាលពីឆ្នាំ២០១៧បានបង្ហើបថា អ្នកដែលត្រូវពិនិត្យនេះ ទាល់តែជាអ្នកដែលគោរពតាមសាលដីការបស់តុលាការ«ខ្ញុំយល់ថា នរណាដែលបានគោរពសាលដីកា គិតលើអ្នកគោរពសាលដីកាមុន»។ សម្តេចបានបន្តថា «បើយល់ថានរណាគោរពសាលក្រមនោះ យើងទាំងអស់គ្នាយល់ហើយ ខ្ញុំមិនចាំបាច់ឆ្លើយទេអាហ្នឹង»។សេចក្តីស្នើច្បាប់ស្តីពីវិសោធនកម្មច្បាប់គណបក្សនយោបាយ ត្រូវបានរៀបចំដោយតំណាងរាស្ត្រចំនួន៨៧រូប ដោយកែប្រែទៅលើមាត្រា៤៥ថ្មី (ស្ទួន) នៃច្បាប់ស្តីពីគណបក្សនយោបាយ។
សេចក្តីស្នើច្បាប់នេះ ត្រូវបានរដ្ឋសភាបញ្ជូនទៅឱ្យគណៈកម្មការទី០៦ ដើម្បីសិក្សា និងត្រួតពិនិត្យ កាលពីថ្ងៃទី០៥ ខែធ្នូ ឆ្នាំ២០១៨ មុននឹងដាក់បញ្ចូលទៅក្នុងកិច្ចប្រជុំពេញអង្គរដ្ឋសភា នៅឆាប់ៗនេះ។សេចក្តីស្នើច្បាប់ បានបន្ថែមនូវវាក្សខណ្ឌមួយថ្មី ក្នុងមាត្រា៤៥ថ្មី (ស្ទួនមួយ) ដើម្បីឱ្យនាយករដ្ឋមន្ត្រី មានសិទ្ធិស្នើថ្វាយព្រះមហាក្សត្រ តាមការស្នើសុំរបស់រដ្ឋមន្ត្រីក្រសួងមហាផ្ទៃ ដើម្បីផ្តល់នីតិសម្បទាជូនជនដែលតុលាកាហាមឃាត់សិទ្ធិធ្វើនយោបាយ ឱ្យមានសិទ្ធិចូលរួមធ្វើនយោបាយពេញលេញឡើងវិញ។
មាត្រា៤៥ថ្មី (ស្ទួនមួយ) ដែលត្រូវបន្ថែមនេះមានខ្លឹមសារដូចតទៅ៖«បុគ្គលត្រូវបានតុលាការសម្រេចហាមឃាត់ការធ្វើសកម្មភាពនយោបាយ មិនអាចបង្កើតគណបក្សនយោបាយ ឬចូលរួមក្នុងគណបក្សនយោបាយណាមួយ ឬឈរឈ្មោះឲ្យគេបោះឆ្នោត ឬធ្វើសកម្មភាពណា មួយគាំទ្រ ឬប្រឆាំងគណបក្សណាមួយបានឡើយ។
បុគ្គលដែលបានតុលាការ សម្រេចហាមឃាត់ការធ្វើសកម្មភាពនយោបាយនេះ នឹងអាចទទួលបានវិញនូវសិទ្ធិនយោបាយពេញលេញដោយពេញច្បាប់ បន្ទាប់ពីផុតរយៈពេលនៃការហាមឃាត់ដែលកំណត់ដោយសាលដីការបស់តុលាការកំពូល ឬក្នុងករណីដែលបុគ្គលនោះត្រូវបានផ្តល់នីតិសម្បទាឡើងវិញដោយព្រះមហាក្សត្រ តាមសំណើរបស់នាយករដ្ឋមន្ត្រី តាមសេចក្តីស្នើសុំរបស់រដ្ឋមន្ត្រីក្រសួងមហាផ្ទៃ»។
អ្នកនាំពាក្យក្រសួងមហាផ្ទៃ នាយឧត្តមសេនីយ៍ ខៀវ សុភ័គ បានព្រមានថា នៅពេលច្បាប់ចូលជាធរមានហើយ ជនណាដែលតុលាការហាមឃាត់សិទ្ធិធ្វើនយោបាយ ប៉ុន្តែនៅតែបំពានសាលដីការបស់តុលាការកំពូលនោះ នឹងមិនមានឈ្មោះនៅក្នុងបញ្ជីនោះទេ។ ឯកឧត្តមបានថ្លែងយ៉ាងដូច្នេះថា «អ្នកណាដែលអនុវត្តត្រឹមត្រូវតាមសាលដីកាបានត្រឹមត្រូវ តាមសាលដីការបស់តុលាការកំពូលដែលហាមឃាត់សិទ្ធិធ្វើនយោបាយនោះ អ្នកនោះនឹងមានស្ថិតនៅក្នុងបញ្ជីរបស់រាជរដ្ឋាភិបាល ដើម្បីស្នើសុំទៅព្រះករុណា ដើម្បីប្រគល់សិទ្ធិធ្វើនយោបាយឱ្យវិញ ដោយឡែកនរណាដែលធ្លាប់បំពាន និងនៅតែបំពាន សាលដីកានេះ អ្នកនោះមិនអាចមានឈ្មោះនៅក្នុងបញ្ជីទេ»។
សម្រាប់ការដោះលែងដែលគេជៀថានឹងធ្វនៅក្នុងពិធីបុណ្យឃួប២០ឆ្នាំនៃនយោបាយឈ្នះៗនាចុងឆ្នាំ២០១៨នេះបើតាមលោកព្រាបកុលប្រធានអង្គការតម្លាភាពកម្ពុជាបានទស្សន៍ទាយថាមនុស្សដែលត្រូវលើកលែងនោះគឺមានតែក្រុមលោកឹមសុខាទែប៉ុណ្ណោះ។លោកសមរង្ស៊ីបានហៅការដោះលែងឲ្យចូលធ្វើនយោបាយគឺជាយុទ្ធសាសបំបែកគនបក្សសង្គ្រោះជាតិរបស់សម្តេចហ៊ុនសែន៕
