ត្បូងឃ្មុំ៖ ព្រឹកថ្ងៃទី ៧ ធ្នូ ២០១៨ បន្ទាប់ពីមានគេហទំព័រ១ បានបង្ហោះសារ ដែលសរសេរថា៖ តើពិតទេលោកស្នងការ ? បន្លំ ឯកសារកុហក់ថ្នាក់ដឹកនាំ ទោសមិនស្រាលទេណា៎ ទាន ប្រោស ? អមដោយរូបលោកស្នងការ និង រូបលោក ពៅ រ៉េន ព្រមទាំងញត្តិពលរដ្ឋ និងលិខិតបំភ្លឺរបស់ស្នងការខេត្តត្បូងឃ្មុំផង។
ភ្លាមៗនោះ លោកឧត្តមសេនីយ៍ទោ បែន រ័ត្ន ស្នងការនគរបាល ខេត្តត្បូងឃ្មុំ បានបំភ្លឺបញ្ជាក់បន្ថែមជុំវិញ ករណីខាងលើនេះ តាម រយ:ទូរស័ព្ទ ជាមួយអ្នកសារព័ត៌មានថា ប៉ូលីសធ្វើការងារយ៉ាងហ្មត់ចត់ មានអង្គហេតុ អង្គច្បាប់គ្រប់គ្រាន់ ។ លោកស្នងការបញ្ជាក់ថា អង្គហេតុភាគី ជម្លោះ ម្ខាងមានរបួសចំនួន ៣ នាក់ នៅដេកពេទ្យកំពង់ចាម មិនទាន់ចេញផងទេកន្លះខែហើយ មិនដឹងថា ស្លាប់ រស់ផងទេ ។ ឯម្ខាងទៀត ក៏របួស ២ នាក់ដែរនៅដេកពេទ្យស្រុកពញា ក្រែកដែរ ។
ករណីនេះភាគីទាំងពីរប្តឹងគ្នាទៅវិញទៅមក ទោះជាខាងសមត្ថកិច្ចខិតខំសម្របសម្រួលបញ្ចប់រឿងយ៉ាង ណាក៏មិនព្រមដែរ។ ភាគីម្ខាងណេះប្តឹងខាងនោះ ឯម្ខាងនោះ ប្តឹងខាងណេះ ចឹងទេយើងគ្មានអីត្រូវសរសេរកុហក់ថ្នាក់ដឹក នាំ អត់មានទេការកុហក់ថ្នាក់ដឹកនាំនោះ ហើយក៏អត់កុហក់ ព្រះរាជ្ញាអាជ្ញាដែរ គឺមានអង្គហេតុ អង្គច្បាប់គ្រប់គ្រាន់ ។ ដូច្នេះ សូមបងប្អូនប្រជាពលរដ្ឋ ពិសេសអ្នកសារព័ត៌មានត្រូវចូលរួម ផ្សព្វផ្សាយនូវព័ត៌មានពិត មានប្រភពបញ្ជាក់ច្បាស់លាស់ ចៀសវៀងការយល់ច្រឡំដល់មហាជន ។
ជុំវិញការបកស្រាយ បំភ្លឺបញ្ជាក់ លើលិខិតបំភ្លឺរបស់ស្នងការនគរបាលខេត្តត្បូងឃ្មុំ នេះ អង្គភាពយើងខ្ញុំមិនអាចសុំការបំភ្លឺពីចាងហ្វាង គេហទំព័រ ស្លាបប៉ាការ អព្យាក្រិត្យ បាននៅឡើយទេ ព្រោះប្រព័ន្ធទូរស័ព្ទ ឆ្លើយថា មិនអាចទាក់ទងបានទេនៅពេលនេះ ៕