ខេត្តមណ្ឌលគិរី ៖ រថយន្តធុនវេអង (V១)ចំនួន៤គ្រឿង បានត្រូវលោក ហៀង សុភក្ត្រព្រះរាជអាជ្ញាជើងខ្លាំងអមសាលាដំបូងខេត្តមណ្ឌលគីរី បញ្ជាឲ្យសមត្ថកិច្ចតាមដងផ្លូវជាតិលេខ៧៦ឃាត់ត្រួតពិនិត្យ ក្រោយពីសង្ស័យថាដឹកឈើលើសច្បាប់អនុញ្ញាតឬគ្មានច្បាប់ ។
ប៉ុន្តែរឿងដែលហួសចិត្ត ប្រតិបត្តិការឃាត់ឡានដែល ធ្វើឡើងនៅចំណុចដើមស្រល់ ផ្លូវជាតិលេខ៧៦ ភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ កាលពីវេលាម៉ោង១រសៀលថ្ងៃទី៤ ខែធ្នូនោះបានតែមួយដង្ហើមចង្រឹតតែប៉ុណ្ណោះក៏ដោះលែងវិញក្រោមលេសថាឡានដឹកឈើមានច្បាប់ដែលតាមពិតគឺអាចមកពីខ្លាចឬត្រូវថ្នាំរបស់ម្សៀឧកញ៉ាសឹងសំអុលក៏ថាបាន ។
ព្រោះថ្មីៗនេះទាំងក្រសួងកសិកម្មទាំងរាជរដ្ឋាភិបាលបានប្រកាសសុំឲ្យអាជ្ញាធរយួនជួយទប់ស្កាត់បទល្មើសព្រៃឈើចេញពីស្រុកខ្មែរក្រោយពីសហគមន៍អឺរ៉ុបស្នើសុំហេតុអីបានជាសក្រសួងកសិកម្មឬក្រសួងពាណិជ្ជកម្មហ៊ានចេញច្បាប់ឲ្យនាំចេញឈើប្រណិតចេញទៀត?។
សូមបញ្ជាក់ថា៖រថយន្តដឹកឈើប្រណិតទាំងនេះដែលជាកម្មសិទ្ធិរបស់ឧកញ៉ា ស៊ឹង សំអុល នាយកក្រុមហ៊ុន ម៉ាស្ទ័រខេសាន់ ខូអិលធីឌី នៅស្រុកកោះញែក មានរហូតដល់១៨គ្រឿងនោះមិនមែន៤គ្រឿងនោះទេ ។ ក្បួនរថយន្តនេះបានធ្វើសកម្មភាពតាំងពីយប់ថ្ងៃទី៣ខែធ្នូ ហើយរហូតរសៀលថ្ងៃទី៤ ខែធ្នូ ទើបមានបទបញ្ជាឲ្យឃាត់ត្រួតពិនិត្យរកច្បាប់ទម្លាប់ តែឃាត់បានតែ៤គ្រឿងប៉ុណ្ណោះ ។
គេនៅចាំបានថា កាលពីឆ្នាំ២០១៦ ឧកញ៉ា ស៊ឹង សំអុល ត្រូវបានសម្តេចតេជោនាយករដ្ឋមន្ត្រី ប្រកាសជាសាធារណៈកនុងអង្គប្រជុំគណរដ្ឋមន្ត្រីជុំវិញសកម្មភាពរកស៊ីឈើនៅខេត្តមណ្ឌលគិរី និងដាក់បញ្ជាឲ្យគណៈកម្មាធិការថ្នាក់ជាតិចុះបង្ក្រាបឈើ«ឧកញ៉ា អុល»បានរាប់ពាន់ម៉ែត្រគូប។ ស្ងាត់បានតែមួយរយៈឈ្មោះឧកញ៉ា ស៊ឹង សំអុលដែលជាមន្ត្រីប៉េអឹមផងរកឈើអាដែលធើប្រដាប់អីម្សៀអុល? ។
មហាជនឆ្ងល់ថា តើនាយកក្រុមហ៊ុន ម៉ាស្ទ័រខេសាន់ ខូអិលធីឌី ដែលត្រូវបានរដ្ឋបាលព្រៃឈើចុះឈ្មោះក្នុងលិខិតអនុញ្ញាតដឹកជញ្ជូនផល-អនុផលព្រៃឈើ លេខប័ណ្ណ០០០៧៧១ខ/PC/B គឺជាលោកឧកញ៉ា ស៊ឹង សំអុល មែនឬក៏ឈ្មោះដូចគ្នា? ដ្បិតក្រោយពីសមត្ថកិច្ចខេត្តមណ្ឌលគិរីចាប់ឃាត់បានបន្តិច អ្នកបើកបររថយន្តធុនធំទាំងនោះ បាននាំគ្នាយកលិខិតអនុញ្ញាតដឹកជញ្ជូនផល-អនុផលព្រៃឈើ មានអក្សរខ្មៅៗមើលស្ទើរមិនឃើញ ទៅបង្ហាញសមត្ថកិច្ចមួយស្របក់ក៏បើករថយន្តចេញទៅបាត់អស់ទៅ? ។
ប្រសិនចឹងមែនសម្តីស្តីពីការប្រកាសថាបញ្ឈប់ការនាំចេញឈើទៅស្រុកយួននិងការប្រកាសបញ្ឍប់បទល្មើសព្រែឈើរបស់សម្តេចក្រឡាហោមសខេងគឺគ្រានតែជាការផោមឲ្យឆ្កែអរតែប៉ុណ្ណោះ!៕