ក្រចេះ៖ ជំរឿនទូទៅប្រជាជននៃព្រះរាជាណាចក្រកម្ពុជា បានធ្វើជំរឿនជាលើកដំបូងនៅឆ្នាំ 1962 ហើយត្រូវបានអាក់ខានរយៈពេល 36 ឆ្នាំ ដោយការអាក់ខាននេះ គឺបណ្តាលមកពីស្ថានភាពច្របូកច្របល់នៃសង្គ្រាម អសន្តិសុខសង្គម នៅក្នុងប្រទេសកម្ពុជា។ ហើយជំរឿនប្រជាជនកម្ពុជា ក៏បានធ្វើឡើងជាលើកទី 2 នៅខែមិនា ឆ្នាំ1998 ជំរឿនប្រជាជនលើកទី 3 នៅខែមីនា ឆ្នាំ 2008 និងជំរឿនទូទៅប្រជាពលរដ្ឋលើកទី 4 នឹងត្រូវធ្វើជំរឿននៅខែមីនា ឆ្នាំ 2019 ខាងមុខនេះ។
គណៈកម្មាធិការជំរឿនទូទៅប្រជាជនខេត្តក្រចេះ ត្រូវបានរៀបចំធ្វើពិធីប្រកាស និងផ្សព្វផ្សាយផែនការសកម្មភាពជំរឿនទូទៅប្រជាជននៃព្រះរាជាណាចក្រកម្ពុជាឆ្នាំ 2019 ក្រោមអធិបតីភាពឯកឧត្តម វ៉ា ថនអភិបាលនៃគណៈអភិបាលខេត្ដក្រចេះ នឹងមានវត្តមានចូលរួម លោកឧត្តមសេនីយ៍ស្នងការនគរបាលខេត្ត លោកមេបញ្ជាការ មេបញ្ជាការរងកងកម្លាំងទាំងបីប្រភេទ និងមន្ត្រីរាជការ ស្ថាប័នពាក់ព័ន្ធជាច្រើនរូប នៅសាលមហោស្រពខេត្តក្រចេះ នាព្រឹកថ្ងៃទី5 ខែធ្នូ ឆ្នាំ 2018។
ឯកឧត្តម វ៉ា ថន អភិបាលខេត្តក្រចេះ បានមានប្រសាសន៍ថា ថា ការធ្វើជំរឿន ប្រជាជនឆ្នាំ 2019 ពិតជាមានសារៈសំខាន់ខ្លាំងណាស់ ជំរឿន គឺជាការងារដ៏ធំមួយត្រូវចំណាយថវិកាច្រើន ដែលស្ទើរតែបណ្ដាប្រទេសកំពុងមានការអភិវឌ្ឍន៍តិចតួចមិនអាចរ៉ាប់រងបើគ្មានដៃជូតជួយបានឡើយ។ ជំរឿនប្រជាជនកម្ពុជាក្នុងឆ្នាំ 2009 នេ គឺជា ជំរឿនលើកទី 1 ដែលប្រមុខរាជរដ្ឋាភិបាលបានសម្រេចចំណាយថវិកាធ្វើដោយខ្លួនឯង និងដោយសារជំរឿន ត្រូវតែអនុវត្តរៀងរាល់ 10ឆ្នាំ បងមិនអាចធាត់បាន។ ទន្ទឹមនឹងប្រើប្រាស់មន្ត្រីជំនាញក្របខណ្ឌក្រសួងផែនការ សម្ដេចក្រឡាហោមសខេង រដ្ឋមនឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជំរឿនជាតិ បានដាក់ផែនការ ឲ្យស្នងការនគរបាលរាជធានីខេត្តប្រើប្រាស់កម្លាំងប៉ុស្តិ៍នគរបាលរដ្ឋបាល ចូលរួមធ្វើជាមន្ត្រីត្រួតពិនិត្យ ឬមន្ត្រីសម្ភាសន៍ នៅក្នុងមូលដ្ឋានរបស់ខ្លួននិង ធ្វើការជ្រើសរើសមន្ត្រីមួយចំនួនទៀតដែលមានពីគ្រូបង្រៀន សិស្ស និស្សិត និង អ្នកមានសមត្ថភាព ឬបទពិសោធន៍ការងារ ជំរឿនឬអង្កេតកន្លងមកដើម្បីធ្វើការងារជំរឿនដែលមានតម្រូវការមន្ត្រីជំរឿនសរុបចំនួន 1142 អ្នក។
ឯកឧត្តមក៏បានសំណូមពរដល់ លោក លោកស្រី ធ្វើការងារទាក់ទងជំរឿនប្រជាជនឆ្នាំ 2019 ត្រូវយកចិត្តទុកដាក់បំពេញការងារឲ្យបានទាន់ពេលវេលា តាមផែនការសកម្មភាពដែលបានគ្រោងដើម្បីទទួលបានជោគជ័យប្រកបដោយគុណភាពខ្ពស់ ជាពិសេសការអនុវត្តការងារបែងចែកតម្រូវការធនធានមនុស្ស ការកំណត់ទីកន្លែងសម្រាប់ការផ្សព្វផ្សាយ ការបណ្ដុះបណ្ដាលមន្ត្រីជំរឿនការត្រួតពិនិត្យការងារនៅមូលដ្ឋានការប្រមូលបញ្ជីសំនួរជំរឿនបំពេញរួច និងការទាក់ទងផ្សេងៗទៀត៕