ព្រះវិហារ ៖ ទីតាំងម៉ាស៊ីនរ៉ៃ ជ្រៀកឈើមូល និងឈើតាប ដែលគេជឿថាមិនមានច្បាប់អនុញ្ញាតបាននិង កំពុងធ្វើសកម្មភាពកក្រើកជ្រកក្រោមឈ្មោះក្រុមហ៊ុនមួយឈ្មោះភ្លូអូវីនស្ថិតនៅក្នុងទឹកដីនៅភូមិភ្ជួរជ្រូក ស្រុកគូលែន ដែលគេជឿថាជាឆ្នាំងបាយអាជ្ញាធរនិងមន្ត្រីជំនាញ។
ប្រជាពលរដ្ឋ និយាយថា ម្ចាស់ក្រុមហ៊ុននេះ មានឈ្មោះ ឡាំ អាយុប្រហែលជាង៥០ឆ្នាំ រស់នៅភូមិឃុំខាងលើជាម្ចាស់ទីតាំងខាងលើនេះ យូរមកហើយតែ គ្មានអ្នកណាហ៊ានបង្ក្រាបនោះទេ ។ ករណីជនល្មើសឈ្មោះ (ឡាំ) អាចប្រព្រឹត្តបទល្មើសព្រៃឈើបានស្រេចតែចិត្តដោយគ្មានខ្លាចញញើត ត្រូវបានគេសង្ស័យថា លោក ពេជ្រ បូររិណ ប្រចាំស្រុកគូលែន និងអាជ្ញាធរ ខេត្តព្រះវិហារ ជាអ្នកបើកភ្លើងខៀវឲ្យ ។
សារធារណជនមួយចំនួន និយាយថា ឯកឧត្តម អ៊ុន ចិន្តា អភិបាលខេត្ត ព្រះវិហារប្រហែលជាត្រូវផ្លែរត្រូវដង ជាមួយក្រុមហ៊ុនភ្លូអូវីន បានជា ឯកឧត្តម មិនអើពើនិងមានវិធានការណ៍ចំពោះក្រុមហ៊ុនភ្លូអូវីន ខាងលើនេះ ? ជាំក់ស្តែងពេលអ្នកសារព័ត៌មានយើងសុំការបំភ្លឺ ឯកឧត្តម អ៊ុន ចិន្តា បាន ជំរុញឲ្យទៅសួរប្រធានមន្ទីរកសិកម្មខេត្តព្រះវិហារ, ចំណែកលោកប្រធានមន្ទីរកសិកម្មខេត្ត ឲ្យសួរទៅមន្ត្រីរដ្ឋបាលព្រៃឈើ រីឯរដ្ឋបាលព្រៃឈើឲ្យសួរទៅខាងក្រុមហ៊ុន ៕
