ប្រទេសចិន៖ រឿងរ៉ាវដ៏គួឲ្យហួសចិត្តមួយបានកើតទ្បើងនៅ ការិយាល័យអត្រានុកូលដ្ឋានចិន ដោយមាន គូស្នេហ៍ក្មេងៗមួយគូបានបបួលគ្នាមកស្នើសុំចុះបញ្ជីរៀបអាពាហ៍ពិពាហ៍ ។ ដោយសារឃើញក្មេងពេក មន្ត្រីអត្រានុកូលដ្ឋានបានបដិសេធភ្លាមៗមិនព្រមចុះឲ្យទេ ។
ប៉ុន្តែអ្វីដែលគួឲ្យហួសចិត្តគឺពេលគូស្នេហ៍បង្ហាញសំបុត្រកំណើត និងលិខិតស្នាមផ្សេងៗបន្ថែមទៀត ទើបពួកគេហួសចិត្ត។ ព្រោះក្នុងលិខិតនោះបញ្ជាក់ថា ខាងស្រីអាយុ ២០ឆ្នាំ ហើយខាងប្រុសអាយុ ២២ឆ្នាំ។ ពួកគេប្រាប់ថា ពួកគេបានកើតជំងឺក្រិនមិនអាចលូតលាស់ដូចមនុស្សធម្មតាបាន។
ខាងស្រីមានកម្ពស់ ១,៣០ម៉ែត្រ និងទម្ងន់ជិត ៣០គីឡូ គឺប្រហាក់ប្រហែលគ្នាជាមួយខាងប្រុសដែរ។ ជីវិតស្នេហារបស់ពួកគេកើតមានដំបូង បន្ទាប់ពីកម្មវិធីទូរទស្សន៍មួយអញ្ជើញចូលរួមជាភ្ញៀវកិត្តិយស រួចហើយទំនាក់ទំនងពួកគេក៏ចាប់កើតមាន រហូតស្ម័គ្ររៀបការនឹងគ្នាតែម្ដង៕
