បន្ទាយមានជ័យៈ កាលពីថ្ងៃទី២ធ្នូសមត្ថកិច្ចច្រកម៉ាឡៃដោយមានការឯកភាពពីរាជអាជ្ញាបានឃាត់ រថយន្តមួយគ្រឿងដឹកម៉ូតូចំនួន៤៤គ្រឿង (មានម៉ូតូឃ្លីក និងស្គុបពី) នាំចូលតាមច្រកទ្វារតំបន់ម៉ាឡៃ គ្មានឯកសារ និង ការអនុញ្ញាតស្របច្បាប់ ។
លោក ជា សេងអាន ប្រធានទីស្នាក់ការត្រួតពិនិត្យព្រំដែនម៉ាឡៃបានដឹកនាំកម្លាំងប៉ុស្ដិ៍ស្ពានម៉ាឡៃ ឃាត់រថយន្តដឹកម៉ូតូ គ្មានឯកសារ និង ការអនុញ្ញាតស្របច្បាប់ នៅទីស្នាក់ការត្រួតពិនិត្យច្រកទ្វារតំបន់ម៉ាឡៃ ចំនួនមួយគ្រឿងម៉ាក HINO500 ពាក់ស្លាកលេខថៃ 63.3345 (ពណ៌ស) បើកបរដោយឈ្មោះ យ៉តឆាង មន្នីរ៉ាត់ ភេទប្រុសអាយុ៤៤ឆ្នាំ (ជនជាតិថៃ) បានបើករថយន្តដឹកម៉ូតូចំនួន៤៤គ្រឿង (ម៉ាកឃ្លីក និងស្កប់ពី) បាននាំចូលតាមច្រកទ្វារតំបន់ម៉ាឡៃ។
សូមបញ្ជាក់ថាថ្មីៗសមត្តកិច្ចគយបានចាប់ឡានស៊េរីទំនើបលួចនាំចូលពីស្រុកសៀមដោយមិនបង់ពន្ធដោយលោកឧកញ៉ា ហង្ស ស៊ីផា អាឡុវនេះមានឈ្មួញលួចនាំចូលម៉តូ ទៀត។ការបង្ក្រាបពីករណិយ៍ខាងលើនេះបង្ហាញថានាពេលកន្លងមកទំនិញគេចពន្ធត្រូវបានគេនាំចូលយ៉ាងគគ្រឹកគ្រេងដោយសាមានការឃុបឃឹតជាមួយមន្ត្រីមានសមត្តកិច្ច។
