បាត់ដំបង៖ នៅព្រឹកថ្ងៃទី០៣ខែធ្នូឆ្នាំ២០១៨អាជីវករផ្សារល្វារបានធ្វើការតវ៉ាចំពោះអាជ្ញាធរឃុំដែលបានប្រើប្រាស់កម្លាំងនគរបាលប៉ុស្តិ៍រុះរើតូបនិងរៀនលក់បន្លែត្រីសាច់របស់ពួកគាត់ទាំងកណ្តាលយប់ នៅផ្សារល្វារភូមិ.ឃុំល្វារស្រុកបវេលខេត្តបាត់ដំបង។
អាជីវករបានប្រាប់ថា៖ផ្សារល្វារនេះគឺអាជីវករលក់ដូរតាំងពីឆ្នាំ១៩៨៨ដែលទិញពីអាជ្ញាធរធ្វើតូបលក់ដោយខ្លួនឯកក្នុងតូប១តំលៃ៥,០០០ទៅ៦,០០០បាតគឺសម័យនោះថ្លៃស្ទើតែរកលុយទិញមិនបាន។កាលនោះមានតូបលក់ដូរប្រមាណជាង១០០តូបទាំងតូបបន្លែត្រីសាច់។លុះដល់ពេលនេះអាជីវករចូលមកលក់ដូរប្រមាណជិត២០០តូបមានតូបលក់មាសដូរលុយ និងលក់ខោអាវប្រមាណជិត១០០តូបនិងរៀនលក់បន្លែត្រីសាច់ប្រមាណជាង១០០តូប។
អាជីវករបានបញ្ជាក់ថា៖នៅអំឡុងខែវិច្ឆិការឆ្នាំ២០១៨នេះស្រាប់តែមានសេចក្តីជូនដំណឹងស្តីពីការរុះរើតូបដែលមានទីតាំងនៅក្នុងបរិវេណផ្សារល្វាររបស់រដ្ឋបាលឃុំល្វារបានចេញលិខិតនៅថ្ងៃទី២៦ខែវិច្ឆិការឆ្នាំ២០១៨សុំអោយអាជីវលក់ដូរក្នុងផ្សារល្វាររុះរើតូបចេញទៅលក់ទីតាំងបណ្តុះអាសន្នដោយទុកពេលរយៈពេល១០ថ្ងៃឲ្យរុះរើអោយអស់។អាជ្ញាធរបានយកទីតាំងផ្សារនេះកសាងផ្សារល្វាថ្មីលើផ្ទៃដីទទឹង២៥,៥ម៉ែត្របណ្តោយ៧៨,២ម៉ែត្រអោយទៅឈ្មោះ ឈិន សេងជឿន ជាអ្នកម៉ៅការសាងសង់ផ្សារល្វាថ្មី។
អាជីវករបានបញ្ជាក់ថា៖ពួកគាត់មិនបានរារាំងការអភិវឌ្ឍន៍គម្រោងកសាងផ្សារល្វារថ្មីនោះទេតែសំខាន់អាជ្ញាធរត្រូវជូនដំណឹងអោយដឹងមុនយ៉ាងតិចជាង១ខែដែរដើម្បីរកកន្លែងលក់ដូរបណ្តុះអាសន្នហើយត្រូវជជែកតំលៃតូបអោយបានច្បាស់លាស់សិនទើរៀបបចំអោយរុះរើ។ផ្ទុយទៅវិញស្រាប់តែអាជ្ញាធរឃុំអោយកម្លាំងនគរបាលប៉ុស្តិ៍ល្វាលួចមកដឹករៀនលក់បន្លែត្រីសាច់ទាំងកណ្តាលយប់ដូចចោរទៅវិញ។
ទាក់ទងរឿងនេះលោក វិន ហួត អភិបាលស្រុកបវេលបានបញ្ជាក់ថា៖ជាការពិតផ្សារល្វាត្រូវបង្កើតឡើងជាង២០ឆ្នាំមកហើយដោយមានភាពអណាធិបតេយ្យនិងគ្មានសណ្តាប់ធ្នាប់ប៉ះពាល់បរិស្ថានទើបស្រុកអោយឃុំសិក្សាតើអាចមានអ្នកវិនិយោគកសាងផ្សារល្វារជាថ្មីដើម្បីអោយមានបរិស្ថានល្អនិងផាសុខភាព។
លោកបានបញ្ជាក់ថា៖នៅពេលដែលរកដៃគូវិនិយោគគម្រោងកសាងផ្សារល្វារថ្មីដោយជូនដំណឹងដល់អាជីវករបានជ្រាបអោយរុះរើតូបចេញដោយខ្លួនឯងហើយកសាងផ្សារជាថ្មីដោយរៀបចំផ្សារអោយមានស្តង់ដារមានប្រព័ន្ធលូ ប្រព័ន្ធទឹក ប្រពន្ធភ្លើង និងតូបផ្សារលក់ដូរដល់អាជីវករនិងប្រជាពលរដ្ឋទិញទំនិញក្នុងផ្សារ។
លោក វិន ហួត បានបញ្ជាក់ថា៖ក្រោយពេលជូនដំណឹងដល់អាជីវករអោយរុះរើតូបគឺពិតជាមានការតវ៉ាពីអាជីវករតែអាជ្ញាធរស្រុកនិងមន្ត្រីជំនាញពាក់ព័ន្ធនិងចុះប្រជុំជាមួយអាជីវកររឿងតំលៃតូបលក់អោយបានសមរម្មដែលអាចអាជីវករទទួលយកបានលក់សម្រាប់ជីវិភាពគ្រួសារនិងរកថវិការចំណូលរដ្ឋ៕