ខេត្តត្បូងឃ្មុំ ៖ កាស៊ីណូនៅច្រកដូង៧ដើមស្រុកមេមត់ចាប់បើកដំណើរការឡើងវិញហើយ បន្ទាប់ពីអាជ្ញាធរខេត្តចុះទៅបិទបានមួយដង្ហើមចង្រិត ដោយបើកឱ្យពលរដ្ខខ្មែរចូលលែងខុសច្បាប់ដោយសេរីទៀត។
សូមបញ្ជាក់កាលពីខែកក្កដាឆ្នាំ២០១៨អាជ្ញាធរខេត្តឲ្យព្រះរាជអាជ្ញារនិងនគរបាល ប៉េអឹម ធ្លាប់បានចុះទៅត្រួតពិនិត្យហើយឃើញថាខុសច្បាប់ទំលាប់និងបិតស៊ីលទីតាំងនេះឲ្យឈប់ដំណើរការបានបួនប្រាំថ្ងៃ ឥឡូវគេឃើញដំណើរការឡើងវិញដដែលនិងរំលោភអាជ្ញាប័ណ្ណលើសដើម។ ក្នុងនោះរាល់អ្នកចូលលេងគេឃើញ ភាគច្រើនលើសពី៩០ភាគរយនៃអ្នកចូលសុទ្ធតែពលរដ្ឋខ្មែរ ទោះជាមានសន្តិសុខ និងសមត្ថកិច្ចនៅពិនិត្យទីនោះក៏ដោយ។
ក្រៅពីអនុញ្ញាតអោយពលរដ្ឋខ្មែរចូលលេងល្បែងស៊ីសងនៅមានសង្វៀនជល់មាន់បើកជល់ ចាក់ភ្នាស់ សប្បាយហូរកញ្ជ្រៀវ លាន់ឮ អឺងកងរំពង ទាំងខ្មែរ-យួន។
ជុំវិញការបើកអាជីវកម្មល្បែងស៊ីសងផ្ទុយពីច្បាប់អនុញ្ញាត នេះសមត្ថកិច្ច អាជ្ញាធរមូលដ្ឋាន និងប្រជាជន មានជនឿថាបើមន្ត្រី ជំនាញថ្នាក់លើពិសេសចៅហ្វាយខេត្តថ្មីមេនគរបាននិងប៉េអឹម ក៏ដូចជាខាងក្រសួងសេដ្ឋកិច្ច និងហិរញ្ញវត្ថុ អគ្គស្នងការនគរបាល មិនបានលាភសក្ការ:ទេវាមិនអាចបើកលេងបានឡើយស្រុករំដួលនោះ។ ចឹងមែនអត់?៕
