ក្រចេះ ៖ ប្រជាពលរដ្ឋកម្ពុជាជិត៣ម៉ឺននាក់បានមកជួបជុំគ្នាដើម្បីចូលរួមអបអរសាទរខួបអនុស្សាវរីយ៍លើកទី៤០ទិវាកំណើតរណសិរ្សសាមគ្គីអភិវឌ្ឍន៍មាតុភូមិកម្ពុជា(២ធ្នូ១៩៧៩-២ធ្នូ២០១៨) ។
សម្តេចអគ្គមហាពញាចក្រី ហេង សំរិនប្រធានរដ្ឋភា ប្រធានកិត្តិយសគណបក្សប្រជាជនកម្ពុជានិងជាប្រធានក្រុមប្រឹក្សាជាតិរណសិរ្សសាមគ្គីនិងអភិវឌ្ឍន៍មាតុភូមិកម្ពុជាដែលបានប្រកាសបង្កើតឡើងកាលពីព្រឹកថ្ងៃទី២ខែធ្នូឆ្នាំ២០១៨ស្ថិតក្នុងភូមិជើងឃ្លីឃុំ២ធ្នូស្រុកស្នួលខេត្តក្រចេះធ្វើជាអធិបតីនៃពិធី ។
សម្តេចអគ្គមហាពញាចក្រីហេងសំរិនចាត់ទុកការប្រារព្វខួបអនុស្សវរីយ៍២ធ្នូនេះ គឺក្នុងស្មារតីរំលឹកការចងចាំជានិច្ចនូវគុណូបការៈ ដ៏ឧត្តុងឧត្តមរបស់វីរកម្មាភិបាល យុទ្ធជន យុទ្ធនារីនៃរណសិរ្សសាមគ្គីសង្គ្រោះជាតិកម្ពុជា។វិរៈកងទ័ពស្មគ្រ័ចិត្តវៀតណាមដែលបានបូជាសាច់ស្រស់ឈាមស្រស់ក្នុងបុព្វហេតុប្រយុទ្ធដើម្បីផ្តួលរំលំរបបប្រល័យពូជសាសន៍ប៉ុលពតនិងការពារការរស់ឡើងវិញរបស់ជាតិ និងប្រជាជនកម្ពុជា ។
សម្តេចប្រធានមានប្រសាសន៍បញ្ជាក់ថាថាប្រវត្តិសាស្ត្រនេះមិនមែនជាការនិពន្ធទេ។ប៉ុន្តែគឺជាអ្វីៗដែលមានពិតនិងមិនអាចប្រកែកបានឡើយហើយកងទ័ពរណសិរ្សសាមគ្គីសង្គ្រោះជាតិកម្ពុជាទោះបីជាទើបត្រូវបានបង្កើត។
ប៉ុន្តែដោយសារមានការគាំទ្រពីប្រជាជនគ្រប់ទិសនៅទូទាំងប្រទេសដែលកំពុងដង្ហើយបួងសួងសុំការសង្គ្រោះជាពិសេសដោយទទួលបានការជួយឧបត្ថម្ភដ៏ធំធេង ទាន់ពេលវេលា និងមានប្រសិទ្ធភាពពីសំណាក់កងទ័ពស្មគ្រ័ចិត្តវៀតណាម វាយផ្តួលរលំរបបប្រល័យពូជសាសន៍រហូតទទួលបានជ័យជម្នះដ៏ត្រចះត្រចង់នៅថ្ងៃទី៧មករាឆ្នាំ១៩៧៩។
