ភ្នំពេញ ៖ ឡានដឹកប្រុសកៀរឡានកាមរីស្រីដើរយប់កាលវេលាម៉ោង១២ និង៣០នាទីយប់រំលងអធ្រាត្រឈានចូលថ្ងៃទី២ ខែវិច្ឆិកា ឆ្នាំ២០១៨ ស្ថិតតាមបណ្ដោយផ្លូវ២៧១ ចំណុចគល់ស្ពានស្ទឹងមានជ័យខាងជើង ក្នុងសង្កាត់ស្ទឹងមានជ័យ១ ខណ្ឌមានជ័យបង្កឲ្យមានការភ្ញាក់ផ្អើលគេឯង។
អ្នកនៅជិតខាងឲ្យដឹងថារថយន្តបង្កើតរឿងម៉ាកហ៊ីយ៉ានដេពាក់ស្លាកលេខភ្នំពេញ 3E-5028 ដឹកអ៊ីវ៉ាន់ពេញមួយគ្រឿង បើកដោយបុរសម្នាក់ បានបត់ឆ្វេងមកក្រោមស្ពាន ក៏ជ្រុលទៅបុករថយន្តហាយប្រីតពណ៌ខ្មៅ ពាក់ស្លាកលេខភ្នំពេញ2L-0520 បើកដោយនារីវ័យក្មេងពីរនាក់ បណ្ដាលឲ្យរងការខូចខាតទាំងសងខាងតែមិនមានអ្នករងរបួសទេ។
តែទោះជាយ៉ាងណាភាគីទាំងពីរទាសពាក្យសម្តីគ្នាបង្កឲ្យមានការភ្ញាក់ផ្អើលដល់អ្នកជិតខាង។សមត្ថកិច្ចមូលដ្ឋានបានចុះដល់កន្លែងកើតហេតុ ហើយបានឲ្យភាគីទាំងសងខាង សម្របសម្រួលគ្នា ដោយខាងរថយន្តហ៊ីយ៉ាន់ដាយ ព្រមយករថយន្តកាមរីហាយប្រីត យកទៅជួសជុល ដើម្បីបញ្ចប់រឿង៕