ខេត្តមណ្ឌលគិរី៖ លោក ស្វាយ សំអ៊ាង អភិបាលខេត្តមណ្ឌលគិរីត្រូវបានគេរាយការណ៍ថា បានលួចចុះហត្ថលេខាជាមួយភាគីវៀតណាមក្នុងការទិញលក់ឈើ។
ករណីយ៍នេះបានកើតឡើងកាលពីឆ្នាំ២០១៧លោកស្វាយសំអ៊ាងនិងចៅហ្វាយខេត្តដាក់ណុងវៀតណាមបានចុះហត្ថលេខា លើលិខិតមួយមានលេខ៣៧១/QD-គមបជ ចុះថ្ងៃទី៣ ខែមីនា ឆ្នាំ២០១៧ ដោយអនុញ្ញាតិអោយមានសកម្មភាព ទិញដូរ នាំចូលទំនិញឈើ ពីខេត្តមណ្ឌលគិរី ទៅវៀតណាមតាមច្រក ៧៥១ ដោយមិនឃើញមានចំណារអ្វីពីក្រសួងកសិកម្មរុក្ខាប្រម៉ាញ់ និងនេសាទ ,ក្រសួងបរិស្ថាន ,គណៈកម្មការបង្ក្រាបបទល្មើសធនធានធម្មជាតិ ,និងរាជរដ្ឋាភិបាលកម្ពុជា ឡើយ? ។ បើដូចសេចក្តីរាយការណ៍ខាងលើនេះបង្ហាញថា លោក ស្វាយ សំអ៊ាង អភិបាលខេត្តមណ្ឌលគិរី ធ្វើបំពានច្បាប់ទាំងស្រុងនូវច្បាប់ក្នុងប្រទេស។
សូមបញ្ជាក់ថា ឯកសារនោះត្រូវបានភាគីវៀតណាម ខេត្ត ដាក់ណុង ផ្ញើជូន ទៅ១-នាយកដ្ឋានពាណិជ្ជកម្ម ២-ទីបញ្ជាការព្រំដែនខេត្ត ៣-នាយកដ្ឋានគយ ខេត្តដាក់ណុង និងទី៤-បណ្តាពាណិជ្ជករ នៅប្រទេសវៀតណាម។ប្រហែលដោយសារមានចំណារចឹងចឹងហើយបានជាកាលពីឆ្នាំ២០១៧ផ្ទះឡើងនូវ មានបទល្មើសព្រៃឈើនៅខេត្តមណ្ឌលគិរី លក្ខណះទ្រង់ទ្រាយធំ ដោយ ខាងកម្លាំងកងរាជអាវុធហត្ថលើផ្ទៃប្រទេសនិងកងរាជអាវុធហត្ថខេត្តក្រចេះ ខេត្តត្បូងឃ្មុំឈានដល់ បង្ក្រាបក្នុងបទល្មើសព្រៃឈើជាក់ស្តែងនៅតំបន់អូរហុច ស្រុកកែវសីមា ខេត្តមណ្ឌលគិរី។ បទល្មើសនោះត្រូវបានគេរាយការណ៍ថាមានស្ថាបន័រដ្ឋចំនួន១២ជាប់ពាក់ពន្ធ័តែមកដល់ពេលនេះស្ងាត់ឈឹង?។សង្ឃឹមថានឹងមានការបកស្រាយពន្យល់ពីករណីយ៍នេះជាមិនខាន!។
សូមបញ្ជាក់ថាកាលពីខែកុម្ភៈឆ្នាំ២០១៨កម្លាំងចម្រុះចាប់បានយួនចំនួន ៧ នាក់ដែលថ្លើមធំហ៊ានបើកឡានបង្កង់ឆ្លងដែនខុសច្បាប់ចូលមកកាប់ដឹកឈើ ១៤៥ កំណាត់ក្នុងស្រុកអូររាំង ។ ក្រោយពីចាប់បាន មន្ត្រីនគរបាល និងយោធាព្រំដែនលេខ ១០៣ ជាង ១០ នាក់ដែលមានខ្លួនបានបិតសាប៊ូរត់ចោលអង្គភាព ។
អគ្គស្នងការនគរបាលជាតិបានបើកការស្រាវជ្រាវបន្ទាន់មួយហើយបានធ្វើការសាកសួរមន្ត្រីដែលរត់គេចខ្លួនទាំងនោះចំនួន ១១ នាក់ជាបន្តបន្ទាប់អស់រយៈពេល ៥ ថ្ងៃ។
លទ្ធផលស្រាវជ្រាវដែលចុះហត្ថលេខដោយនាយឧត្តមសេនីយ៍នេតសាវឿនអគ្គស្នងការនគរបាលជាតិផ្ញើជូនសម្តេចក្រឡាហោមសខេងរដ្ឋមន្ត្រីក្រសួងមហាផ្ទៃកាលពីថ្ងៃទី ៩ ខែមីនា បានឲ្យដឹងថាមានថាមន្ត្រីចំនួន ៣ នាក់បានឃុបឃិត និងទទួលប្រាក់ពីឈ្មួញឈើជនជាតិវៀតណាមឈ្មោះ អ៊ុក ញ៉ ចំនួន ១៧ ម៉ឺនដុល្លារព្រឹត្តបទល្មើស។
មន្ត្រីទាំង ៣ នាក់រួមមានឈ្មោះ ទា ខៃម៉េង ប្រធាន គ ៣ នៃយោធាក្នុងស្រុកកែវសីមា, ឯម សុងហ៊ួ ជាមន្ត្រីយោធាការពារព្រំដែនប្រចាំប៉ុស្តិ៍ អូរហ៊ុច និង ជុំ រតនា ជានាយប៉ុស្តិ៍នគរបាលការពារព្រំដែនអូរជុំ។ ទឹកប្រាក់ពុករលួយនេះត្រូវបានបែងចែកជា ២ ផ្នែកដែលក្នុងនោះចំនួន ៨៥ ០០០ ដុល្លារឲ្យមន្ត្រីយោធាគឺលោក ឯម សុងហ៊ួ និង ទា ខៃម៉េង។ រីឯទឹកប្រាក់ ៨៥ ០០០ ដុល្លារផ្សេងទៀតត្រូវលោក ជុំ រតនា ចែកទៅឲ្យលោក សាក់ សារុន មេបញ្ជាការអាវុធហត្ថស្រុកកែវសីមា ៥ ពាន់ដុល្លារលោក សាក់ សារ៉ាង មេបញ្ជាការអាវុធហត្ថខេត្ត ១ ម៉ឺនដុល្លារលោក ឌុល មន្ត្រីអាវុធហត្ថចល័តលើផ្ទៃប្រទេស ៧ ពាន់ដុល្លារលោក ណាក់ មន្ត្រីព្រៃឈើ ៦ ពាន់ដុល្លារ និងលោក លាង ភារ័ត្ន នាយប៉ុស្តិ៍នគរបាលការពារព្រំដែនអូរហុច ២២៥០០ ដុល្លារ។ នៅពេលដែលដឹកឈើចេញមេឈ្មួញរូបនោះក៏បង់លុយឲ្យមន្ត្រីទាំង ៣ នាក់នោះទៀតដែរ។
នាយឧត្តមសេនីយ៍ នេត សាវឿន សន្និដ្ឋានថា៖ «ឈ្មោះ ជុំ រតនា, លាង ភារ័ត្ន, ទា ខៃម៉េង, ឯម សុងហ៊ួ និងមេឈ្មួញវៀតណាម អ៊ុក ញ៉ ជាមេខ្លោងបានប្រព្រឹត្តអំពើឃុបឃិតគ្នាកាប់បំផ្លាញ ប្រមូល និងដឹកជញ្ជូនផលអនុផលព្រៃឈើ ឆ្លងដែនខុសច្បាប់ ទៅប្រទេសវៀតណាមពិតប្រាកដមែន»។
សូមបញ្ជាក់ថាកាលពីថ្ងៃទី២៦កញ្ញាឆ្នាំ២០១៨សម្តេចក្រឡាហោមសខេងបានលើកចំៗពីការកើតឡើងនូវបទល្មើសព្រៃឈើក្នុងខេត្តមណ្ឌលគីរី។តែ៥ថ្ងៃក្រោយ(ថ្ងៃទី៣១កញ្ញា)លោកស្វាយសំអ៊ាងនាំកម្លាំងដើលេងប្រកាសថាអត់មានបទល្មើសព្រៃឈើអីហង!។ដល់ចឹងសម្តីសម្តេចក្រឡាហោមសាបឈឹង?។
