ប៉ោយប៉ែត៖ នាង ក្រមុំម្នាក់បានមស្រេចិត្តចងកសម្លាប់ខ្លួន កាលពីវេលាម៉ោង៨
និង៣០នាទីយប់ ថ្ងៃ២៩ ខែវិច្ឆិកា ឆ្នាំ២០១៨ ស្ថិតចំណុចមាត់អូរផ្កាយ៥ ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
សពរងគ្រោះឈ្មោះ ផាន់ ស្រីនិច្ច ភេទស្រី អាយុ១៦ឆ្នាំ ជនជាតិខ្មែរ មាន ស្រុកកំណើតនៅ ភូមិតាអ៊ិន ឃុំ បឹងរាំង ស្រុកមង្គលបុរី ខេត្តបន្ទាយមានជ័យ ស្នាក់នៅបន្ទប់ជួលលេខA-០៩ ម្ចាស់បន្ទប់ផ្ទះជួលឈ្មោះ សេង យ៉តភេទប្រុស អាយុ៤០ឆ្នាំ នៅចំណុចមាត់អូរផ្កាយ៥ ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយបែត ។
មូលហេតុចងកត្រុវបានសមត្ថកិច្ចបង្ហើបថាព្រោះខ្លាចម្តាយដឹងថាខ្លួនអស់ក្រមុំ។ ព្រោះ មុនកើតហេតុសពរងគ្រោះ បានទូរស័ព្ទទៅម្ដាយដោយប្រាប់ថា ខ្លួនមានស្នេហាជាមួយបុរសម្នាក់។ ម្ដាយឆ្លើយតបថា បើកូនស្រឡាញ់គ្នាធម្មតា ឬបានដេកនៅជាមួយគ្នាហើយ បើស្រឡាញ់គ្នាធម្មតា ម៉ែទៅ ម៉ែនឹងរៀបចំការឲ្យ។ តែកូនស្រីឆ្លើយកុហក់ម្ដាយថា ស្រឡាញ់គ្នាធម្មតា។ ម្ដាយតបថា បើដូចពាក្យកូនថាមែន ម៉ែទៅលេងកូន ម៉ែនឹងនាំកូនទៅពេទ្យដើម្បីពិនិត្យមើល(ប្រដាប់ភេទ) ។
ប្រភពបន្តថា ពេលឮម្ដាយនិយាយដូច្នេះ ក្មេងស្រីរងគ្រោះភ័យខ្លាចម្ដាយដឹងព្រោះខ្លួនកុហក ក៏សម្រេចចិត្តចងកសម្លាប់ខ្លួន ដោយសរសេរលិខិតមួយច្បាប់ថា កូនស្រឡាញ់ម៉ាក និងជាតិក្រោយចង់ធ្វើជាកូនម៉ាក់ ។ចូលរួមសោកស្តាយផង!។