ខេត្តមណ្ឌលគិរី ៖ នគរបាល នៃស្នងការដ្ឋានខេត្តមណ្ឌលគិរីបានចាប់រថយន្តយីឌុបមួយគ្រឿង ដែលដឹកឈើខុសច្បាប់ដែលកាប់ថ្មីៗ នៅស្រុកកោះញែកកាលពីល្ងាចថ្ងៃទី២៨ ខែវិច្ឆិកា ឆ្នាំ២០១៨ នៅចំណុចផ្លូវលំជិតស្នាក់ការរបៀង ស្ថិតនៅភូមិមេមុំ ឃុំរយ៉ ស្រុកកោះញែក ខេត្តមណ្ឌលគិរី។
សមត្តកិច្ចឲ្យដឹងថា ឡានដែលចាប់បានម៉ាកហ៊ីយ៉ាន់ដេយ (យីឌុប)ពណ៌ត្រេអ៊ីក្បាលពណ៌ស ចង្កូតឆ្វេង ពាក់ស្លាកលេខស្វាយរៀង ៣A-៧៧៨៨មានផ្ទុកឈើមូលប្រភេទលេខ១ (សុក្រំ) ចំនួន ៣៧កំណាត់ ក្នុងនោះរួមមាន៖ ឈើកាប់ថ្មីៗចំនួន ២៣កំណាត់ និងឈើចាស់មានចំនួន ១៤កំណាត់។តែ សមត្ថកិច្ច មិនបាន រថយន្តល្មើសច្បាប់នេះ តៃកុងឈ្មោះអី ឬម្ចាស់រថយន្តដឹកឈើនោះជាអ្នកណាទេ។
ទោះជាយ៉ាងណាប្រជាពលរដ្ឋរស់នៅស្រុកកោះញែក បានឱ្យដឹងថា រថយន្តដឹកឈើល្មើសច្បាប់ ដែលសមត្ថកិច្ចចាប់បាន គឺមានម្ចាស់ឈ្មោះ ផាន់ ណា ត្រូវជាប្អូនប្រុសលោកឧកញ៉ា វី ដា។ នៅរសៀលថ្ងៃទី២៩ ខែវិច្ឆិកា ឆ្នាំ២០១៨នេះ។
លោកស្នងការរងនគរបាលខេត្តមណ្ឌលគិរី នាំយកវត្ថុតាង ទៅរក្សារទុក នៅស្នាក់ការបរិស្ថានច្រករបៀង របស់ដែនជម្រកសត្វព្រៃភ្នំព្រិច ដើម្បីចាត់ការតាមនីតិវិធី៕
