ភ្នំពេញ៖ មន្ត្រីនគរបាលមានឋានន្ត្រសក្តិផ្កាយ២បានធ្វើសកម្មភាពដកកាំភ្លើងខ្លីបាញ់រះចំនួន៨គ្រាប់យ៉ាងអនាធិបតេយ្យ បង្កការភ្ញាក់ផ្អើលដល់ប្រជាពលរដ្ឋដែលរស់នៅក្នុងបុរីផ្ទះល្វែងតាង៉ូវ ដោយមិនដឹងមូលហេតុកាល ពីម៉ោងជាង១២រំលងអធ្រាត ឈានចូល ថ្ងៃសុក្រ ទី៣០ ខែវិច្ឆិកា ឆ្នាំ២០១៨ ក្នុងសំណង់ផ្ទះល្វែង តាង៉ូវ ផ្លូវ ៦៦៦A ភូមិតាង៉ូវក្រោម សង្កាត់និរោធ ខណ្ឌច្បារអំពៅ រាជធានី ភ្នំពេញ ។
តាមសមត្ថកិច្ចមូលដ្ឋានបានឲ្យដឹងថា នគរបាលបាញ់បោះសេរីខាងលើនេះមានឈ្មោះ ប្រាក់ តូចវាសនា ភេទប្រុស អាយុ៣៣ឆ្នាំ មុខរបរជា អនុប្រធាននាយកដ្ឋាននគរបាលព្រំដែនគោក ។ បន្ទាប់ពីធ្វើសកម្មភាពផ្ទុះអាវុធរួច សមត្ថកិច្ចប៉ុស្តិ៍នគរបាលនិរោធ បានចុះទៅឃាត់ខ្លួនខ្មាន់កាំភ្លើងខាងលើយកទៅ សាកសួរនៅប៉ុស្តិ៍នគរបាលនិរោធតែម្តង។
ក្រុមអ្នកសារព័ត៌មាន នៅមិនទាន់ទទួលបានព័ត៌មានលម្អិតពីសមត្ថកិច្ចនៅឡើយ ព្រោះពេលទៅ ដល់មុខប៉ុស្តិ៍សមត្ថកិច្ចបានទាញទ្វារបិទមិនឲ្យចូល ហើយពេលបញ្ជូនទៅដល់អធិការដ្ឋាន ខណ្ឌច្បារអំពៅ ក៏បានព្យាយាមបិទ បាំង មិនផ្ដល់ព័ត៌មានថាមានវាមានរឿងស្អីដែរ។តែឭថាលោកផ្កាយពីររូបនោះបាញ់គម្រាមចោរលួចកញ្ចក់ឡាននីសាន់គាត់?៕
