ព្រះវិហ៊ារ៖អភិបាលខេត្តព្រះវិហារ បានបញ្ជាអោយសមត្ថកិច្ចចម្រុះ ចុះផ្ទៀងផ្ទាត់ និងត្រួតពិនិត្យរកភាពត្រឹមត្រូវ នៃការបើកអោយដំណើរការការប្រមូលផល អនុផលព្រៃឈើ របស់ក្រុមហ៊ុនដីសម្បទានសេដ្ឋកិច្ច របស់ក្រុមហ៊ុនមួយ ឈ្មោះ ប្ល៊ូហិវិនបន្ទាប់ពីមានការរិះគន់ថាក្រុមហ៊ុនបានធ្វើសកម្មភាពខុសច្បាប់ប៉ុន្តែមិនបានទទួលចំណាត់ការពីអាជ្ញាធរនោះ។
គណៈកម្មការចំរុះមួយមួយរួមមាន មន្ត្រីព្រៃឈើ កម្លាំងកងរាជអាវុធហត្ថ និងកម្លាំងនគរបាលខេត្ត រួមនឹងមន្ត្រីស្រុកប្រចាំមូលដ្ឋានផងនោះដែរ ដឹកនាំដោយអភិបាលរងខេត្ត គឺ លោក លី សូរ៉ារិទ្ធបាន ចូលទៅក្នុងក្រុមហ៊ុននោះនៅព្រឹកថ្ងៃទី៣០វិច្ឆិកា២០១៨។
ក្រុមហ៊ុនដីសម្បទានសេដ្ឋកិច្ច ប្ល៊ូហិវិនគ្រុប មានមូលដ្ឋាននៅក្នុងភូមិព្យួរជ្រូក ឃុំគូលែនជើង ស្រុកគូលែន។នាយខណ្ឌរដ្ឋបាលព្រៃឈើ ខេត្តព្រះវិហារ លោក នួន សុខុម បានថ្លែងប្រាប់ ឲ្យដឹងថា ក្រុមហ៊ុន ប្ល៊ូហិវិន គ្រុប ទទួលបានការអនុញ្ញាតពីរាជរដ្ឋាភិបាល វិនិយោគដំណាំកសិឧស្សាហកម្ម លើផ្ទៃដីទំហំ៩ពាន់១២៩ហិចតា។
ក្រុមហ៊ុនដីសម្បទានសេដ្ឋកិច្ច ប្ល៊ូហិវិនគ្រុប គឺជាក្រុមហ៊ុនមួយដែលមានថៅកែជាជនជាតិចិន នៅឆ្នាំកន្លងមក ក្រុមហ៊ុននេះ បានរងការផ្អាកដំណើរការមួយរយៈពេលវែង ក្រោមសេចក្តីសំរេចរបស់រាជរដ្ឋាភិបាល និងនៅមួយខែកន្លងមកនេះ បានបើកដំណើរការឡើងវិញ ដោយមានការអនុញ្ញាតពីក្រសួងកសិកម្ម រុក្ខាប្រមាញ់ និងនេសាទ។
នៅពេលថ្មីៗកន្លងមកនេះ មានការលេចឮថា អ្នកគ្រប់គ្រងក្រុមហ៊ុនមួយនេះ បានប្រមូលទិញ និងដឹកជញ្ជូនឈើហ៊ុបធំៗ មកពីខាងក្រៅរង្វង់ដីសម្បទានសេដ្ឋកិច្ច តាមរថយន្តប៉ាកុងធំៗ ចូលមកអារ ពុះ និងច្រៀកដោយម៉ាស៊ីរ៉ៃធំៗ ទាំងបំពានលើសេចក្តីសំរេចរបស់ រាជរដ្ឋាភិបាល និងក៏មិនបានអនុវត្តតាមការណែនាំ តម្រូវឲ្យដាំដំណាំកសិឧស្សាហកម្មនោះដែរ។មិនទាន់មានសេចក្តីរាយការណ៍ពីផទ្ធផលនៅឡើយតែបើចុះគគ្រឹកគ្រេងចឹងច្រើនតែអត់បានការអីឡើយ៕
