ភ្នំពេញ ៖ យោងតាមអាខោន facebook មួយបានបង្ហោះព័ត៌មាន ក្តៅធ្វើអោយចាប់អារម្មណ៍ខ្លាំង អំពីករណីមន្ត្រីនគរបាលជាតិ ជាន់ខ្ពស់ម្នាក់ពាក់សក្តិ៤កន្លះអាងស្បែកជានគរបាល ប្រើតួនាទីសិទ្ធិអំណាចហួសព្រំដែន មានទាំងការប្រើអំពើ ហិង្សា វាយដំ និង ដកកាំភ្លើងខ្លីគំរាមបាញ់សម្លាប់ប្រជា ពលរដ្ឋ បង្កការភ័យខ្លាច អ្នករស់នៅជិតខាងផ្ទះខ្លួនជាញឹកញាប់ ។
ដោយការអត់ធ្មត់ទ្រាំលាក់បាំងតទៅទៀត លែងបានទើបបងស្រីម្នាក់ចេញមុខ បង្ហោះសារសំណូមពរដល់ ថ្នាក់ដឹកនាំអគ្គស្នងការនគរបាលជាតិ ពិសេសសម្តេចតេជោ ហ៊ុន សែន និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សូមលោកជួយអន្តរាគមន៍ដោះស្រាយការរស់នៅរបស់ ពួកគាត់ផង ។
សូមអានសាររៀបរាប់របស់បងស្រីដែលមាន ខ្លឹមសារដើមទាំងស្រុងដូចខាងក្រោម : នាងខ្ញុំជាប្រជាពលរដ្ឋរស់នៅផ្ទះលេខ១៦B.ផ្លូវលេខ១៥៦សង្កាត់ផ្សារដេប៉ូ១ ខណ្ឌ ទួលគោក សូមគោរពជម្រាបជូនដល់ឯកឧត្តម អគ្គស្នងការនគរបាលជាតិមេត្តាជ្រាប ក្នុងអំឡុងពេលរាត្រីថ្ងៃច័ន្ទទី ២៦ ខែវិច្ឆិកា ឆ្នាំ២០១៨ វេលាម៉ោង២៣:០០ មានមន្ត្រីនគបាលថ្នាក់វរសេនីយ៍ទោម្នាក់ មានឈ្មោះរ៉ាយុទ្ធ ជានគរបាលបម្រើ ការនៅនាយកដ្ឋានកណ្ដាលសន្តិសុខផ្ទៃក្នុង អគ្គស្នងការនគរបាលជាតិដោយក្នុងខ្លួនមានសភាពស្រវឹងជោគ ជិះ រថយន្ត ម៉ាករង់រូវែ ស្លាកលេខ ភ្នំពេញ2V 0333 ពណ៌ស្ករមកឈប់មុខផ្ទះខ្ញុំបាទស្ទុះចូលមកវាយនឹងដកកាំភ្លើងខ្លីមួយដើមមកគម្រាមបុគ្គលិកខ្ញុំដល់ក្នុងផ្ទះ នឹងបានបង្កជារបួសស្នាមដល់បុគ្គលិកខ្ញុំដោយមិនដឹងរឿង ហេតុផល ជាលើកទី១ នឹងពេលនេះជាលើកទី២ អាស្រ័យដូចនេះសូមមត្តាឯកឧត្តមអគ្គស្នងការនគបាលជាតិក៏ដូចជាថ្នាក់ដឹកនាំក្នុងជួរនគរបាលជាតិ ជាពិសេសសម្ដេចទាំងពីរ .។
សូមលោកមេត្តាជួយមើលកូនចៅផងរស់នៅក្បែរ មន្ដ្រីនគរបាលដែលមានចារឹកកោងកាចនឹងសាហាវ ធ្វើអោយប្រជាពលរដ្ឋរស់នៅម្ដុំទីតាំងកើតហេតុនោះមានភាពភ័យខ្លាចអំណាចលោក វរសេនីយ៍ទោ រ៉ាយុទ្ធនោះខ្លាំងណាស់ ពេលខ្លះកណ្ដាលថ្ងៃត្រង់គាត់មានកាំភ្លើងក្នុងដៃកាន់ច្រងេងច្រងាង ក្នុងសម្លៀកបំពាក់មិនសមរម្យជានគរ បាលជាតិឡើយ ខ្ញុំជារាស្ត្រមានការភិតភ័យខ្លាំងណាស់ គេគម្រាមបាញ់នឹងវាយដល់បុគ្គលិកខ្ញុំដោយប្រមាថដល់អាយុជីវិតហួសហេតុពេកហើយ សូមមេត្តាជួយស៊ែរអោយថ្នាក់លើគាត់បានដឹងផង ព្រោះថារឿងនេះកើតឡើងច្រើនដងហើយ ។
នេះជាភាពគគ្លើនផ្ទុយទៅនឹងលក្ខណៈនគរបាលជាតិនឹងអនុសាសន៌ប្រមុខរដ្ធាភិបាលដែលអោយមន្ត្រីរាជការនឹងកងកម្លាំងទាំង២ ចេះស្រលាញ់រាស្ត្រថែទាំរាស្ត្រទុកដូចជាកូនជាចៅក្នុងមូលដ្ធានផងដែរ។ ជុំវិញការបែកធ្លាយព័ត៌មាននេះ ការិយាល័យ និពន្ធគេហទំព័រសារព័ត៌យើងខ្ញុំពុំអាចស្វែងរកការសុំបំភ្លឺ ពីលោក រ៉ាយុទ្ធ បានទេ ព្រោះពុំមានលេខទូរស័ព្ទទាក់ទង ។
ការិយា ល័យ និពន្ធយើងស្វាគមន៍គ្រប់ពេលក្នុងការចុះផ្សាយការ បកស្រាយបំភ្លឺ ពីគ្រប់កាគីពាក់ព័ន្ធ ៕
