ត្បូងឃ្មុំ៖ ក្រុមថ្មើរជើងយុវជនជាង៧០០នាក់ភាគច្រើនជាមន្ត្រីថ្នាក់ដឹកនាំក្នុងស្ថាបន័រដ្ឋដឹកនាំដោយលោកហ៊ុនម៉ានីតំណាងរាស្ត្រនិងជាប្រធានសហភាពសហព័ន្ធយុវជនកម្ពុជានិងលោកសាយសំអាល់រដ្ឋមន្ត្រីក្រសួងបរិស្ថានជាអនុប្រធាន បានចាប់ផ្តើមចេញដំណើរពីសាលាបឋមសិក្សាកោះថ្មនៃស្រុកមេមត់នៅម៉ោង១និង៣០នាទីរសៀលថ្ងៃទី២៩ខែវិច្ឆិកាដើម្បីដើរក្នុងចម្ងាយ៤០គីឡូម៉ែតទៅកានតំបន់ប្រវត្តិសាស្ត្រនៃការប្រកាសរណៈសិរ្សសាមគ្គីសង្គ្គ្រោះជាតិកម្ពុជា ។
ក្រុមថ្មើរជើង បានចែកជា២២ក្រុម បានថតរូបអនុស្សាវរីយ៍ជាមួយផ្ទាំងថ្មដែលឆ្លាក់ថា«នៅទីនេះ វេលាម៉ោង២១ ថ្ងៃទី២០ ខែមិថុនា ឆ្នាំ១៩៧៧ ចំថ្ងៃចន្ទ៥កើត ខែអាសាឍ ឆ្នាំម្សាញ់ នព្វស័ក ពស ២៥២១ សមមិត្ត ហ៊ុន សែន និងកម្មាភិបាលដ៏ទុកចិត្ត៤នាក់បានចេញដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត» កាលពី៤១ឆ្នាំមុនឆ្ពោះទៅកាន់ទីតាំងប្រវត្តិសាស្ត្រ វិមានអនុស្សាវរីយ៍២ធ្នូ ក្នុងស្រុកស្នួលកន្លែងប្រកាសរណសិរ្សសាមគ្គីសង្គ្រោះជាតិដោយសម្តេចហេងសំរិន។
ព្រឹត្តិការណ៍ « ៤០ គីឡូម៉ែត្រ ទៅកាន់ប្រវត្តិសាស្ត្រ ជាវេទិកាពិសេស និងជាបទពិសោធថ្មីប្លែកសម្រាប់យុវជន ដែលមានគោលបំណង (១)ឲ្យយុវជនចេះរួមរួមគ្នាក្នុងគ្រាលំបាក និងគ្រាសុខសាន្ត (២)ស្វែងយល់ដោយប្រយោលពីកត្តាប្រវត្តិសាស្ត្រ (៣)ស្វែងយល់ពីកម្រិតសមត្ថភាព ការតស៊ូ ការអត់ធ្មត់ និងការដោះស្រាយបញ្ហាជាក់ស្តែងរបស់ខ្លួននីមួយៗ និង(៤)ជាពិសេសផ្តល់ឱកាសឲ្យយុវជនរួមគ្នា កម្សាន្តសប្បាយ ក្រោយពីការសម្រេចបានជោគជ័យក្នុងដំណើរនេះ ដែលជាបទពិសោធន៍ដំបូងក្នុងឆាក់ជិវីតរបស់ពួកគេ។
