ភ្នំពេញ៖ ព្រះតេជគុណ ប៊ុត ប៊ុនតិញប្រធានបណ្តាញសង្ឍឯករាជ្យនិងជាសមាជិកគណៈកម្មការៀបចំ បុណ្យពិធីបុណ្យសពលោកបណ្ឌិត កែម ឡីនាល្ងាចថ្ងៃទី១៥កក្កដាបាន ប្រកាសធ្វើការពន្យាពេលការដង្ហែសពលោក កែម ឡីវិញដោយសំអាងថា៖យោង តាមការសំណូមរបស់ញាតិញោមហើយថ្ងៃនៃការដង្ហែពិតប្រាកដ នឹងត្រូវប្រកាសនៅពេលក្រោយទៀត។
តាមគម្រោងសពលោក បណ្ឌិត កែម ឡី នឹងដង្ហែរទៅកាន់ខេត្តតាកែវ នៅថ្ងៃអាទិត្យទី១៧ ខែកក្កដា ឆ្នាំ២០១៦ ។ករណីនេះលោក ឃួង ស្រេង អភិបាលរងរាជធានីភ្នំពេញ បានឲ្យកាសែតដឹងនៅ ល្ងាចថ្ងៃទី១៥ ខែកក្កដា ឆ្នាំ២០១៦ ក្រោយពីបើកិច្ចប្រជុំគ្នាប្រមាណជាជិត ២ម៉ោងសាលារាជធានី បានសម្រេចអនុញ្ញាតឲ្យការដង្ហែសពលោក កែម ឡី ពីវត្តចាស់ ទៅស្រុកកំណើតក្នុងខេត្តតាកែវ ធ្វើឡើងជាក្បួនរថយន្ត តែមិនអនុញ្ញាតឲ្យដង្ហែថ្មើរជើងនោះទេ។
លោក ឃួង ស្រេង បានបញ្ជាក់ថា ការមិនអនុញ្ញាតឲ្យដង្ហែថ្មើរជើង ដើម្បីរក្សាសណ្តាប់ធ្នាប់ និង សន្តិសុខ ក្នុងរាជធានីភ្នំពេញ និងសុវត្ថិភាពរបស់ប្រជាពលរដ្ឋផងដែរ ។ នៅក្នុងពិធីដង្ហែសពលោក កែម ឡី ក៏មានការដាក់ម្លាំងអាជ្ញាធរនៅតាមបណ្តាផ្លូវដង្ហែផងដែរ ចាប់ពីវត្តចាស់ រហូតដល់ជាយរាជធានីភ្នំពេញ។ បន្ទាប់ពីក្បួនដង្ហែរំកិលចេញផុតពីជាយរាជធានីភ្នំពេញហើយនោះ សាលារាជធានីភ្នំពេញ ក៏បានចាត់កម្លាំងប្រចាំនៅតាមបណ្តោយផ្លូវទៅកាន់ខេត្តតាកែវ ដើម្បីរក្សាសណ្តាប់ធ្នាប់ និងសន្តិសុខបន្តទៀត រហូតដល់គោលដៅផងដែរ។
ជាមួយគ្នានេះ លោក ឃួង ស្រេង បានសុំឲ្យប្រជាពលរដ្ឋមានការយោគយល់ និងអធ្យាស្រ័យ ចំពោះការមិនអនុញ្ញាតឲ្យមានការដង្ហែថ្មើរជើង នៅក្នុងពិធីដង្ហែសពលោក កែម ឡី និងក៏ស្នើកុំឲ្យជនឱកាសនិយមឆ្លៀតយកឱកាសដ៏ក្រៀមក្រំនេះ មកគេងចំណេញនយោបាយ ពីព្រោះអាចធ្វើឲ្យវិញ្ញាណក្ខន្ធ លោក កែម ឡី មិនអាចទៅកាន់សុគិតភពផងដែរ។តែឥឡូវផែនការដង្ហែសពលោកបណ្ឌិតកែម ឡីបែរជាត្រូវពន្យាទៅវិញ?។ មិនដឹងថា ក្រៅពីយោងតាមបំណងខាងលើ ការពន្យាពេលហែរសពនេះគេមិនដឹងថាតើទទួលបានផលចំណេញអ្វីខ្លះទៀត នោះទេ?ឬក៏ទុកដើម្បីប្រម៉ូលបច្ចួ័យដើម្បីទៅសង់ចេតីយ៍តំកល់សព និងធ្វើជាបណ្ណាល័យនិងសួនដូចព្រះសង្ឍប៊ុតប៊ុនតិញលើកឡើង?។ ព្រោះគ្រានតែដឹងថាសពត្រូដង្ហែរថ្ងៃទី១៧កក្កដានៅថ្ងៃទី១៥កក្កដា គេឃើញមានកំណើនមនុស្សទៅគោរពសពលោកបណ្ឌិតកែមឡីថែមទៀត។
សពលោកបណ្ឌិត កែម ឡី ដែលមានទ្រុំងហើមត្រូវបានប្តូរមកដាក់លើគ្រែទឹកកកដែលទើបទទួលប ពីស្រុកបារាំង កាលពីវេលាម៉ោង ១:៤៥នាទីព្រឹក ថ្ងៃទី១៥ ខែកក្កដា ឆ្នាំ២០១៦ ហើយត្រូវបាន រៀបចំរួចរាល់ នៅវេលាម៉ោង ៤:៣០នាទីព្រឹក ថ្ងៃទី១៥ ខែកក្កដា ឆ្នាំ២០១៦។ គួរបញ្ជាក់ថា គ្រែទឹកកកដាក់សាកសពលោក កែម ឡី គឺជាផ្តល់ជូនដោយ ព្រះសង្ឃមួយព្រះអ្គ ដែលគង់នៅប្រទេសបារាំងបានប្រគល់ជូនតាមរយៈសង្ឍនៅវត្តស្ទឹងមានជ័យ មួយអង្គដែលគេមិនបញ្ចេញព្រះនាមដល់ ក្រុមគ្រួសារសពលោក កែម ឡី ដើម្បីរក្សាសាកសពឲ្យបានយូរ។
តាមការគ្រោងទុកសពលោក បណ្ឌិត កែម ឡី នឹងដង្ហែរទៅកាន់ខេត្តតាកែវ នៅថ្ងៃអាទិត្យទី១៧ ខែកក្កដា ឆ្នាំ២០១៦ ដោយរំពឹងថា នឹងមានអ្នកចូលរួមដង្ហែយ៉ាងច្រើន។ យ៉ាងណាក៏ដោយគ្រួសារលោក កែម ឡី នៅមិនទាន់ច្បាស់ថា នឹងបញ្ចុះថ្ងៃណាឡើយទេ តែអ្នកគាំទ្រលោក កែម ឡី នៅតែទទូចស្នើសុំឲ្យគ្រួសារសពបន្តរក្សាសពលោក កែម ឡី ឲ្យបានយូរ ដើម្បីប្រជាពលរដ្ឋ ដែលគោរពស្រឡាញ់លោក កែម ឡី អាចចូលរួមអុជធូប និង គោរពវិញ្ញាណក្ខន្ធ។
សូមបញ្ជាក់ថា លោក កែម ឡី អ្នកវិភាគបញ្ហាសង្គម និងបញ្ហានយោបាយផងនោះ ត្រូវបានខ្មាន់កាំភ្លើងបាញ់សម្លាប់នៅព្រឹកថ្ងៃអាទិត្យ ទី១០ ខែកក្កដា ឆ្នាំ២០១៦ ពេលរូបលោកកំពុងចូល ផឹកកាហ្វេនៅក្នុងស្តាម៉ាត ស្ថានីយ៍ប្រេងឥន្ធនៈកាល់តិច នៅជាប់ស្តុបបូកគោ ខណ្ឌចំការមន រាជធានីភ្នំពេញ។ ខ្មាន់កាំភ្លើង ដែលប្រើរហស្សនាម «ជួប សម្លាប់» ត្រូវបានសមត្ថកិច្ច និងប្រជាពលរដ្ឋដេញតាមចាប់បានភ្លាមៗ នៅតាមវិថីព្រះសុធារស ជិតវត្តស្វាយពពែ ក្នុងខណ្ឌចំការមន ។ជនដៃដែលគេស្រាវជ្រាវដឹងថាមានឈ្មោះពិតអឿងអ៊ាតអាយុ៣៨ឆ្នាំមាន ស្រុកទីលំនៅនៅភូមិនគរភាសស្រុកអង្គរធំក្នុងខេត្តសៀមរាបត្រូវបាន តុលាចេញដិកាឃុំខ្លួននៅគុកព្រៃសក្រោមបទចោទថាធ្វើឃាំតកម្មដោយ គិតទុកជាមុននិងប្រើអាវុធខុសច្បាប់ដែលអាចជាប់គុកមួយជិវិត៕