ភ្នំពេញ ៖បុរសជនជាតិចិនម៉ាឡេម្នាក់បានបាត់បង់ជីវិតជាមួយឆ្កែជាទីស្រលាញ៉ផស់គាត់។ ឯនារី២នាក់រងរបួសធ្ងន់ ដោយសារម៉ូតូស្កូពីនិងហ្សូមរ័បុកគ្នាពេញទំហឹងខ្ទាតប្រហែល៥០ម៉ែត កាលពីវេលាម៉ោង៤និង៣០នាទីទាបភ្លឺ ឈានចូលថ្ងៃអង្គារ ទី២៧ ខែវិច្ឆិកា ឆ្នាំ២០១៨ នៅចំនុចមុខស្ថានីយ៍បូមទឹកស្អុយយបឹងទំពុន ក្នុងភូមិ៣ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ។
ជនរងគ្រោះមាន ឈ្មោះ ឆា អ៊ីហួយ ជនជាតិចិន ម៉ាឡេ អាយុ៥១ឆ្នាំ ធ្វើការរោងចក្រនៅសង្កាត់កំបូលខណ្ឌពោធិ៍សែនជ័យ ស្នាក់នៅ ជាមួយប្រពន្ធជនជាតិខ្មែរ នៅភូមិក្រពើហារ សង្កាត់ព្រែកឫស្សី ក្រុងតាខ្មៅ ជិះម៉ូតូមួយគ្រឿងម៉ាក ស្កុបពី ពណ៌ឈាមជ្រូក ពាក់ស្លាកលេខភ្នំពេញ1CG-3912 ខ្ទេចមួយកំណាត់មុខ នឹងសត្វសុនខមួយក្បាលក៏ស្លាប់ទៅតាមម្ចាស់ដែរ ។
ចំណែកម៉ូតូមួយគ្រឿងទៀតម៉ាក zooer-X ពណ៌ក្រហមលាយស ពាក់ស្លាកលេខភ្នំពេញ 1HD-2430 បើកបរដោយនារីរូបស្រស់ស្អាត២នាក់ មិនស្គាល់អត្តសញ្ញាណ រងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ។
ក្រោយកើតហេតុសពត្រូវសាច់ញាតិដឹកយកទៅធ្វើបុណ្យនៅក្រុងតាខ្មៅ រង់ចាំទាក់ទងទៅខាងសាច់ញាតិសពនៅប្រទេសម៉ាឡេស៊ី ។ ម៉ូតូទាំង២ ត្រូវបានកម្លាំងសមត្ថកិច្ចជំនាញ យកទៅរក្សាទុកបណ្តោះអាសន្ន នៅស្នងការដ្ធាននគបាលចរាចណ៍ផ្លូវគោករាជធានីភ្នំពេញ រង់ចាំដោះស្រាយគ្នានៅពេលក្រោយ ៕