ក្រុងស្ទឹងត្រែង ៖ ករណីយ៍ចាប់សម្លាប់សត្វព្រៃលក់យកលុយចាយប្រឆាំងច្បាប់នៅក្នុងផ្សារសាមគ្គីខេត្តស្ទឹងត្រែង ត្រូវបាន អង្គភាពសារព័ត៌មានជាច្រើនធ្វើការផ្សព្វផ្សាយ តែមិនដែលឃើញមានការទប់ស្កាត់និងចាប់បង្ក្រាប ពីសំណាក់អស់លោកអាជ្ញាធរមូលដ្ឋាន និងសមត្ថិច្ច មន្ត្រីជំនាញណាឡើយប្រហែលពួកអស់នោះឆ្ងាញ់សត្វព្រៃហើយបានជាគេឃើញនៅតែបន្តឲ្យមានការចរាចរ ជួញដូរលក់យ៉ាងអនាធិបតេយ្យរាល់ថ្ងៃដដែល។
ជាក់ស្ដែងនៅថ្ងៃទី២៥ខែវិច្ឆិកាឆ្នាំ២០១៨ គេសង្កេតឃើញ ពួកអាជីវករមួយចំនួនបានដាក់តាំងលក់សាច់សត្វព្រៃ មានទាំងសាច់សត្វស្លាប់និងមានទាំងសត្វដែលនៅរស់គ្រប់ប្រភេទជាច្រើន នៅតាមបណ្ដោយដងផ្លូវខាងក្រោយផ្សារសាមគ្គីខេត្តស្ទឹងត្រែងដោយគ្មានខ្លាចញញើតអ្វីឡើយ។ គេមិនដឹងថាតើឯកឧត្ដម ម៉ុម សារឿនអភិបាលខេត្តស្ទឹងត្រែង លោកមានបានដឹងនិងបានជ្រាបជាព័ត៌មានរំលោភច្បាប់ព្រៃឈើដែរឬអត់ទេ បានជាគ្មានវិធានការណ៍យ៉ាងណាចំពោះរឿងនេះសោះចឹងនោះ។
ដោយសាកក់ក្តៅដូចអាំងផេះជាមួយចៅហ្វាយខេត្តដែលចូលចិត្តឆីសត្វព្រៃនោះប្រជាពលរដ្ឋដែលស្រលាញ់បរិស្ថានបាន សូមគោរពរាយការណ៍ និងសូមអំពាវទៅដល់ ឯកឧត្ដម សាយ សំអាល សូម ឯកឧត្ដម មានចំណាត់ការណ៍ចំពោះមន្ត្រីជំនាញក្រោមឱវាទ ឲ្យធ្វើការចុះចាប់បង្ក្រាបអ្នកជួញដូរលក់សាច់សត្វព្រៃខុសច្បាប់ទាំងអស់នោះផងទាន។ បើពុំដូច្នោះទេសត្វព្រៃគ្រប់ប្រភេទនៅក្នុងស្រុកខ្មែរ ពិសេសក្នុងអាណាចក្រខេត្តស្តឹងត្រែងច្បាស់ជារងនូវការរលាយផុតពូជខ្ទេចខ្ទីអស់ជាមិនខានឡើយ។
