ភ្នំពេញ៖ អ្នកនាង គង់ សុត្រាវី ត្រូវបានគេចាត់ទុកថាជាតារាហ្វេសប៊ុកដែលមានប្រជាប្រិយភាពមិនចាញ់តារាសិល្បៈឡើយ។ នាង ក៏ជាម្ចាស់ជំនួញធំ២ គឺហាងម្កុដមាសខ្មែរសម្អាងការ និងមជ្ឈមណ្ឌលថែរក្សាសម្ផស្សឌីសែល នៅម្ដុំស្ដុបទួលគោក។
តែអ្វីដែលធ្វើឲ្យអ្នកលេងបណ្តាញសង្គមហ្វេសប៊ុកភ្ញាក់ផ្អើលគឺការលេចធ្លាយចេញរឿងរ៉ាវស្នេហាត្រីកោណមួយកាលពីថ្មីៗនេះ។
បុរសដែលអ្នកស្រីកៀកកើយលើគ្រែយ៉ាងផ្អែមល្ហែមនោះ គឺជាឯកឧត្តម និងជាអ្នកឧកញ៉ាល្បីឈ្មោះដែលមានគេស្គាល់ច្រើននិងមានប្រពន្ធកូនផងដែរ។
ប្រភពដែលទម្លាយរឿងរ៉ាវស្នេហារ៍ត្រីកោណនេះនិងប្រកាសថានឹងបកស្បែកអោយកាន់តែខ្លាំងបើ តារាហ្វេសប៊ុក អ្នកនាង គង់ សុត្រាវី តបតនិយាយថា«វាមានដោយសារយកប្ដីគេទេ ហើយក្រោយការបញ្ចេញរូបថតវាមួយប្ដីគេនេះ បើវាខ្លាំង ខ្ញុំនឹងបង្ហាញមុខប្ដីគេជាសាធារណៈ ហើយទុកអោយភរិយាគេដឹងគេប្ដឹងវាអោយបះសក់តែម្ដង ព្រោះតាំងពីវាបានអាប៉ិនឹងក្រោយ វាដើរអួតគេថាវាក៏ជាប្រពន្ធដែរ ហើយតាមដឹងវាបានពីអាប៉ិនឹងបែបដល់លាន(ដុល្លារ)ផង ព្រោះអាប៉ិនឹងសេដ្ឋីកំពូលចាយលុយ!»។
កាលពីមុន តារាហ្វេសប៊ុក អ្នកនាង គង់ សុត្រាវី គ្រាន់តែជាម្ចាស់សម្អាងការ គង់ សុត្រាវី នៅខេត្តសៀមរាបប៉ុណ្ណោះ ប៉ុន្តែក្រោយមកដោយសារតែរូបសម្រស់ផូរផង់ ក៏ទាក់ទងស្នេហាជាមួយកូនប្រសាររបស់ម្ចាស់ហាងពេជ្រធំមួយនៅភ្នំពេញ បណ្ដាលអោយប្ដីប្រពន្ធមួយគូនេះឈានដល់ការបែកបាក់។
យ៉ាងណាមិញ អ្នកនាងទើបតែបានហ៊ឺហារឡូយឆាយក្រោយពីបានទាក់ទងចងសម្ព័ន្ធ ជាមួយបុរសជាអតីតឧកញ៉ា និងជាឧកញ៉ាសព្វថ្ងៃនេះប៉ុណ្ណោះ ទើបក្លាយជាអ្នកមានបាន ដោយបានទាំងបើកហាងម្កុដមាសខ្មែរសម្អាងការ និងមជ្ឈមណ្ឌលថែរក្សាសម្ផស្សឌីសែល ទ្រង់ទ្រាយធំនៅម្ដុំទួលគោក អស់ដើមខ្ទង់លានដុល្លារ។
ការទម្លាយរឿងដ៏រសើបនេះ តារាហ្វេសប៊ុក អ្នកនាង គង់ សុត្រាវី មិនទាន់មានការបកស្រាយនៅឡើយទេព្រោះវាមិនដែលយកគ្នារាប់ឆ្នាំហើយទើបតែបែកធ្លាយនោះទេ។ យើងនឹងរងចាំទទួលការបកស្រាយរបស់អ្នកនាង ជុំវិញការទម្លាយដ៏រសើបនេះ ដើម្បីអោយដឹងច្បាស់ថាអ្វីដែលបានទម្លាយចេញមានការពិតកម្រិតណា?។
