ក្រចេះ៖ ឯកឧត្តម លឹម ស៊ីដេនីន រដ្ឋលេខាធិការ និងដឹកនាំក្រុមការងារនៃក្រសួង និងលោក ស្រេង ស្រស់ ប្រធានមន្ទីរសាធារណកា និងដឹកជញ្ជូនខេត្តក្រចេះ ចុះត្រួតពិនិត្យ និងវាយតម្លៃបច្ចេកទេសគុណភាពកំណាត់ផ្លូវជាតិលេខ៧ ពីក្រុងក្រចេះឆ្ពោះទៅស្រុកសំបូរ ក្នុងខេត្តក្រចេះ។
ការចុះត្រួតពិនិត្យ និងវាយតម្លៃលើគម្រោងស្តារឡើងវិញកំណាត់ផ្លូវជាតិលេខ៧ គឺធ្វើឡើងនាថ្ងៃទី២៦ ខែវិច្ឆិកា ឆ្នាំ២០១៨ ដែលបច្ចុប្បន្នគម្រោងនេះសម្រេចបាន៩៨% និងគ្រោងបញ្ចប់គ្រោងទាំងស្រុងនៅខែធ្នូ ឆ្នាំ២០១៨នេះ។
ឯកឧត្តម លឹម ស៊ីដេនីន រដ្ឋលេខាធិការ បានមានប្រសាសន៍ថា គម្រោងស្តារឡើងវិញកំណាត់ផ្លូវជាតិលេខ៧ ពីចំនុចគមលេខ៣៣១ (រង្វង់មូលខ្លាស្ទុះ) ស្ថិតក្នុងភូមិកាប៉ូ សង្កាត់អូរឬស្សី ក្រុងក្រចេះ រហូតដល់ចំនុចគីឡូម៉ែត្រលេខ៤២៤ ចំនុចអូរកណ្តៀរ ស្ថិតក្នុងភូមិអូរព្រះ ឃុំអូរគ្រៀង ស្រុកសំបូរ ដោយមាន ប្រវែងជាង៩៣គីឡូម៉ែត្រ ដោយក្រាលបេតុងកៅស៊ូ AC កំរាស់ ០.១០ម ដែលជាជំនួយឥតសំណងពីសាធារណរដ្ឋប្រជាមិនិតចិន។ ដោយអភិវឌ្ឍន៍ផ្លូវពីកម្រឹត៣ មកជាកម្រឹត២វិញ ជាជំនួយឥតសំណងលើកទី១ ដោយមានការជួយជ្រោមជ្រែងតាមរយស្ថានទូតចិន។
ក្រោយពីក្រុមការងារបានចុះពិនិត្យ និងជួបពិភាក្សាជាមួយតំណាងភាគីចិនរួច ឯកឧត្តម លឹម ស៊ីដេនីន បានបញ្ជាក់ថា ទិសដៅបន្ត ចាប់ពីថ្ងៃទី២៧ ខែវិច្ឆិការ ឆ្នាំ២០១៨ ក្រសួងនឹងរៀបចំចាត់តាំងក្រុមការងារជាផ្លូវការដើម្បីចុះអនុវត្តន៍ការងារ៕
