ខេត្ត តាកែវ៖ ក្រោមការបញ្ជាផ្ទាល់ពីឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ នៅថ្ងៃទី២៦ ខែវិច្ឆិកា ឆ្នាំ២០១៨នេះ កម្លាំងនគរបាលនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន សហការជាមួយនគរបាល នៃស្នងការដ្ឋាននគរបាលខេត្តតាកែវ និង ព្រះរាជអាជ្ញាអមសាលាដំបូងខត្តតាកែវ បានបើកប្រតិបត្តិកាrបង្ក្រាប និងចាប់ខ្លួនជនជាតិចិន មួយក្រុមធំមានគ្នាចំនួន២៣៥នាក់ (ស្រី៣៦) នៅស្រុកត្រាំកក់ និងស្រុកបាទី ដែលជាប់ពាក់ព័ន្ធករណី ចាប់ជំរិតទារប្រាក់ តាមប្រព័ន្ធ Internet ។
ទីតាំងដែលសមត្តកិច្ចចុះបង្ក្រាបរួមមាន៖ទីតាំងទី១/ ស្ថិតនៅភូមិបុស្សតាផង់ ឃំលត្រពាំងក្រញូង ស្រុកត្រាំកក់ ឃាត់ខ្លួនជនជាតិចិនចំនួន៦៣នាក់ ស្រី០៧នាក់
ទីតាំងទី២/ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ ឃាត់ខ្លួនជនជាតិចិន ចំនួន១២នាក់(ប្រុស)។ទីតាំងទី៣/ ស្ថិតនៅភូមិតាំងដូង ឃុំតាំងដូង ស្រុកបាទី ឃាត់ខ្លួនជនជាតិចិន ចំនួន៧០នាក់ ស្រី២៤នាក់។ទីតាំងទី៤/ស្ថិតនៅភូមិព្រៃក្រាយ ឃុំតាំងដូង ស្រុកបាទី ឃាត់ខ្លួនជនជាតិចិនចំនួន ៩០នាក់ ស្រី០៥នាក់ សរុបទាំង០៤ទីតាំង ចំនួន២៣៥នាក់ ស្រី៣៦នាក់។
សម្រាប់ជនជាតិចិនទាំងនេះ ត្រូវបានចាប់ខ្លួន រួមជាមួយវត្ថុតាងជាច្រើន ត្រូវបានរឹបអូស ដើម្បីកសាងសំណុំរឿងបញ្ជូនទៅកាន់តុលាការចាត់ការតាមច្បាប់។
