កម្ពុជា៖ មានក្រុមក្មេងៗសិស្សតូចៗនៃសាលាបឋមសិក្សាទន្លេបិទប្រមាណ ៣៥នាក់ បានរងការពុលចំណីអាហារនៅក្នុងសាលារបស់ខ្លួន ស្ថិតក្នុង ភូមិទន្លេបិទ ឃុំទន្លេបិទ ស្រុក/ខេត្តត្បូងឃ្មុំ នៅព្រឹកថ្ងៃទី១៦ ខែវិច្ឆិកា ឆ្នាំ២០១៨នេះ ។
កុមាររងគ្រោះបានអោយដឹងថា មុនពេលពុលគឺពួកគេបានទិញ អាហារដែលគេបានលក់នៅក្នុង សាលាមកញាំ រួមមាន បាយ កាហ្វេ ទឹកសាម៉ូរ៉ៃជាដើម ហើយ ក្រោយពេលញាំហើយមួយសន្ទុះ ក៏មានអារម្មណ៍ វិលៗនឹងអស់កំលាំង មានអ្នកខ្លះវិលមុខដួល អ្នកខ្លះក្អួត និងអ្នកខ្លះទន់ដៃទន់ជើងតែម្តង ។
ក្រោយកើតហេតុក្មេងសិស្សសាលាទាំងនោះត្រូវបានលោកគ្រូ អ្នកគ្រូនឹងម្ដាយឪពុក ដែលនៅផ្ទះជិតនោះបញ្ជូនមកកាន់មណ្ឌលសុខភាពទន្លេបិទ រួមទាំងក្រុមគ្រូពេទ្យបានចេញរថយន្តសង្គ្រោះបន្ទាន់ ជាច្រើនគ្រឿងដឹកមកសង្គ្រោះ នៅឯមន្ទីរពេទ្យបង្អែកខេត្តកំពង់ចាមភ្លាមៗ ផងដែរ ដើម្បីបង្ការកុំឲ្យរងគ្រោះថ្នាក់ដល់អាយុជីវិត។ រហូតមករសៀលថ្ងៃនេះនៅមិនទាន់មានការបញ្ជាក់ពីអាជ្ញាធរ ឬ អ្នកជំនាញនៅឡើយទេអំពីករណីពុលធ្វើឲ្យកុមារចំនួន៣៥ នាក់រងគ្រោះ ខណៈ ដោយក្រុមគ្រូពេទ្យកំពុងតែញ៉ាប់ដៃញ៉ាប់ ជើងជួយសង្គ្រោះក្មេងៗទាំងនោះ។
កាលពីសប្តាហ៍មុនគឺកាលពីថ្ងៃទី៨ ខែវិច្ឆិកា ឆ្នាំ២០១៨ក្នុងភូមិល្អើនក្រែន ឃុំអូរជំញ ស្រុកអូរជុំ ខេត្តរតនគិរីយ៉ាងហោចណាស់មានប្រជាពលរដ្ឋចំនួន ១៦០នាក់ បានក្អូតចង្អោ ខណៈដែលពួកគាត់បានពុលចំណីអាហារ ក្នុងពិធីបុណ្យសពនៅក្នុងភូមិ ត្រូវនឹងថ្ងៃ ។
នៅរសៀលថ្ងៃទី៥ ខែវិច្ឆិកា ឆ្នាំ២០១៨ នៅក្នុងអនុវិទ្យាល័យពង្រ ឃុំកំពង់ចិនជើង ស្រុក ស្ទោង ខេត្តកំពង់ធំ មានហេតុការណ៍សិស្ស ប្រមាណ ៣០នាក់ បានដួលសន្លប់ជាបន្តបន្ទាប់។ ហើយត្រូវបានក្រុមគ្រូពេទ្យកំពុងធ្វើការសង្គ្រោះ ផងដែរ។ ដោយក្នុងនោះការសន្និដ្ឋានដំបូង អាចមកពីការពុលទឹក នឹងអាហារ។ក្រៅពីនេះក៏មានក្មេងៗសិស្សសាលាចំនួន ៦៥នាក់ នៅសាលាសំបួរសាគរ ស្រុកព្រៃកប្បាស ត្រូវបានគេរាយការណ៍ថា បានពុលចំណីអាហារនាពេលកន្លងមក និងបញ្ជូនទៅសង្គ្រោះនៅមន្ទីរពេទ្យ បន្ទាប់ពីពួកគេបរិភោគគុយទាវឆា។
សិស្សសាលាខ្មែរអន្តរជាតិប្រ៊ីដ(Bridge)ដែលមានទីតាំងនៅភូមិ ថ្នល់ទទឹងឃុំអូរអណ្តូងស្រុកសាលាក្រៅខេត្តប៉ៃលិនប្រមាណជា២៥នាក់បានមានអាការៈចុកពោះក្អួតចង្អោរពេលនេះកំពុងសម្រាក់ព្យាបាលនៅមន្ទីរពេទ្យខេត្តនិងតាមគ្លីនិចឯកជនមួយចំនួនក្នុងខេត្ត។
ករណីនេះមានការសង្ស័យថាបណ្តាលមកពីពុលអាហារប៉ុន្តែមូលហេតុពិតប្រាកដ នៅមិនទាន់ដឹងនៅឡើង កំពុងស្រាវជ្រាវ។ករណីពុលអាហារ បានកើតឡើងជាបន្តបន្ទាប់នៅតាមបណ្ដាខេត្តនានា ដូចជាខេត្តសៀមរាប ខេត្តឧត្ដរមានជ័យ ខេត្តកំពង់ឆ្នាំង និងខេត្តពោធិ៍សាត់ ជាដើមដែលបង្ហាញពីភាពកម្សោយនៃការពារសុខភាពសាធារណៈរបស់អាជ្ញាធររាជរដ្ឋាភិបាលពីសេសស្ថាបន័កាំកុងត្រូលក្រសួងពាណិជ្ជកម្មដែលច្បាប់ស្តីពីសុវត្ថិភាពចំណីអាណាផ្តល់និតិសម្បទាឲ្តមើលការខុសត្រូវ៕
