តាកែវ៖អធិការក្រុងដូនកែវដែលវាយប្រពន្ធទ្រោមខ្លួនព្រោះទៅអុកឡុកពេលជួបស្រីស្នេហ៍ត្រូវអគ្គស្នងការនគរបាលជាតិនាយឧត្តមសេនីយ៍នេតសាវឿនបញ្ឈរជើងហើយដើម្បីឲ្យសម្រួលជាមួយប្រពន្ធឬបើរឹងរូសកសាងសំណុំរឿងបញ្ជូនទៅតុលាការពីបទព្រហ្មទណ្ឌ័។
លោក ឆាយ សាវុធ មានតួនាទីជាអធិការនគរបាលក្រុងដូនកែវត្រូវបានគេដឹងថាកំពុងត្រៀមខ្លួនឡើងដំណែងជាស្នងការរងនគរបាលខេត្តតាកែវផងនោះបានប្រើអំពើហិង្សាដាក់ប្រពន្ធខ្លួនឯងយ៉ាងចាស់ដៃនៅយប់ថ្ងៃទី១៥ ខែវិច្ចិកាឆ្នាំ២០១៨ខណៈដែលប្រពន្ធតាមទាន់ខ្លួនលួចទៅជួបស្រីស្នេហ៍ទាំងកណ្តាលយប់ក្នុងក្រុងដូនកែវ ។
លោក ឆាយ សាវុធ ដែលជាជនដៃដល់ប្រើហឹង្សាលើស្ត្រីត្រូវានគេរាយការណ៍ស្រវឹងជោគជាំក្នុងកម្មវិធីជប់លៀងពិធីប្រកាសចូលកាន់មុខដំណែងប្រធានតុលាការខេត្តតាកែវថ្មី ហើយលួចឆ្លៀតទៅជួបស្រីស្នេហ៍ក្រោយពីចប់កម្មវិធីក៏ត្រូវប្រពន្ធតាមទាន់ទើបកើតការឈ្លោះក្រកែកគ្នារហូតបង្កជាអំពើហឹង្សាដាក់ប្រពន្ធយ៉ាងចាស់ដៃបែបនេះតែម្តងទៅ។
ករណីយ៍នេះលោក សួន ផុន ស្នងការរងទទួលផែនយុត្តិធម៌នៃស្នងការនគរបាលខេត្តតាកែវបានទទួលស្គាល់ប្រាប់កាសែតថា ករណីនេះជាបទល្មើសព្រហ្មទ័ណ្ឌ តែដោយសារគ្មានពាក្យបណ្តឹងពីជនរងគ្រោះជំនាញលោកមិនអាចចាត់ការបានទេ។ ម្យ៉ាងទៀងជនបង្កជាមនុស្សមានបុណ្យសក្តិខ្ពស់ផងនោះដូច្នេះមានតែព្រះរាជអាជ្ញាទេទើបមានសិទ្ធចាត់ការតាមនីតិវិធី។
លោក ឆាយ សាវុធ ត្រូវបានគេរាយការណ៍ថាគឺជាមនុស្សមានឥទ្ធិពលខ្លាំងណាស់ហើយលោកក៍ជាកូនប្រសាមេឆ្នោតខុសច្បាប់ដ៍ល្បីល្បាញខាងចាក់ត្រូវលេខធំរាប់ម៉ឺនដុល្លារតែមិនសងកូនពេញស្រុកត្រាំកក់។អាឡូវចាំមើលលោកស្នងការសុខសំណាងចាត់ការយ៉ាងម៉េចក្រោយពីមានបញ្ជាពីលោកនាយឧត្តមសេណីយ៍នេតសាវឿតនចឹងហើយនោះ?។
