ក្រចេះ ៖ គេហទំព័រអនឡាញ FBTV ដែលមានលោក សុវណ្ណ សុខា ជាមេគ្រប់គ្រង ហើយលោក ឈិន ម៉ៅ ជាអ្នកឆ្លើយឆ្លងព័ត៌មានប្រចាំភូមិភាគឦសាន្តនៃប្រទសកម្ពុជាប្រឈមគ្រោះថ្នាក់ដោយសារការបំពេញការងារ។
នៅថ្ងៃទី១៦ វិច្ឆិកា ២០១៨ FBTV ដែលឡាយដោយ លោក ឈិន ម៉ៅ និងក្រុមការងារ បានចុះបេសកកម្មថតពីសកម្មភាពនៃការប្រព្រឹត្តបទល្មើសដឹកជញ្ជូនឈើគគ្រឹក គគ្រេងទាំងថ្ងៃ ទាំងយប់ ដោយគ្មានការទប់ស្កាត់ និង បង្ក្រាប ពីអាជ្ញាធរ សមត្ថកិច្ចជំនាញពាក់ព័ន្ធាមួយឡើយ ។ លោក ឈិន ម៉ៅ បានថតផ្សាយឡាយផ្ទាល់ពីសកម្មភាពឈ្មួញដឹកឈើមួយឡានដោយគ្របភួយជិតពីលើ នៅក្នុងភូមិសាស្ត្រ ស្រុកស្នួលខេត្តក្រចេះ លោកបានបើកឡានតាមថតឡានឈ្មួញដឹកឈើ ពីក្រោយអត្ថាធិប្បាយ ឡាយផ្ទាល់សំណូមពរដល់អស់លោកមន្ត្រីជំនាញ មព្រៃ និងកងកម្លាំងប្រដាប់អាវុធ នៅតាមដងផ្លូវ អោយចូលរួមទប់ស្កាត់ និង បង្ក្រាប តែគ្មានសមត្ថកិច្ចណា ចេញមុខបង្ក្រាបនោះទេ ។
ផ្ទុយទៅវិញបែរឈ្មួញឈើអែប ឡានឈប់ចតតាមចិញ្ចើមផ្លូវ ហើយដើមកនិយាយគំរាម លោក ឈិន ម៉ៅ ថាហេតុអីបានជាតាមថតឡានរបស់គាត់ ? លោក ឈិន ម៉ៅ ថាគាត់ជាអ្នកកាសែតបើមិនអោយគាត់ថត តើអោយអ្នកកាសែតធ្វើម៉េច? ឈ្មួញឈើរូបនោះថាអោយឈប់ថតទៅ អ្នកកាសែតម៉េចអត់និយាយគ្នាសិន ។ ដោយ មានការជជែកតឹងសរសៃកដាក់គ្នារវាងឈ្មួញ និង លោកឈិន ម៉ៅ លុះត្រាឈ្មួញនោះដើរចេញទៅកាន់ឡានដឹកឈើ វិញ ។
ក្រៅពីរងការគំរាមផ្ទាល់ទល់មុខគ្នាពីឈ្មួញដឹកឈើ លោក ឈិន ម៉ៅ បានបញ្ជាក់ថា លោកបានទទួលការគំរាម កំហែងសម្លាប់តាមទូរស័ព្ទជាច្រើននាក់ផងដែរ លោក បាន ដាក់ពាក្យបណ្តឹងប្តឹងទៅសមត្ថកិច្ចអំពីលេខទូរស័ព្ទដែល តេ គំរាមលោក រួចអស់ហើយ ។ លោក ឈិន ម៉ៅ ថាទោះជា លោកទទួលរងនូវការគំរាមកំហែងពីពួកឈ្មួញប្រព្រឹត្តបទ ល្មើសដឹកជញ្ជូនឈើ តាមគ្រប់រូបភាពយ៉ាងណាក៏ដោយ ក៏ លោកមិនរាថយ រួញរាក្នុងការបន្តនូវបេសកកម្មតាមប្រមាញ់ព័ត៌មាន យកមកផ្សាយឡាយអោយមហាជន និង ប្រមុខរាជ រដ្ឋាភិបាលលោកបានឃើញ បានដឹងពីភាពអសកម្មរបស់ អាជ្ញាធរ និងមន្ត្រីជំនាញពាក់ព័ន្ធនៅមូលដ្ឋាន ដែលមិនយក ចិត្តទុកដាក់អនុវត្តតាមបទបញ្ជា និង គោលនយោបាយរបស់ រាជរដ្ឋាភិបាល ។
ទោះជាយ៉ាងនេះក្តី ក៏លោក ឈិន ម៉ៅ សំណូមពរដល់អស់លោកសមត្ថកិច្ចពាក់ព័ន្ធ ពិសេស កងរាជអាវុធហត្ថលើផ្ទៃប្រទេស ដែលមានលោកនាយ ឧត្តម សេនីយ៍ សៅ សុខា ជាមេបញ្ជាការលោកមេត្តាចាត់វិធានការ ក្តៅលើករណី ឈ្មួញឈើនៅខេត្តក្រចេះនេះផង ។ សូមរំលឹក ថា រឿងបទល្មើសព្រៃឈើនៅក្នុងខេត្តក្រចេះនេះ ចៅហ្វាយ ខេត្តក្រចេះដូររាប់ភ្លេច តែគ្មានចៅហ្វាយខេត្តណាម្នាក់ មាន សមត្ថភាពក្នុងការបង្ក្រាបបទល្មើសព្រៃឈើអោយមានប្រសិទ្ធ ភាពទេ ។ ឯអ្នកកាសែតវិញក៏រងគ្រោះ និងស្លាប់មិនតិចនាក់ ដែរ ៕