ភ្នំពេញ ៖ រឿងមន្ត្រីនគរបាលនាយកដ្ឋានលិខិតឆ្លងដែនមិនយកលុយខ្មែរទើបនឹងដោះស្រាយរួចកាលពីថ្ងៃទី១៦វិច្ឆិកាអាឡូវចូលដល់មន្ត្រីនគរបាលចិត្តខ្លាំងខឹងម៉ែតាមស្តីឲ្យដល់ KTV ខឹងចិត្តបាញ់កម្ទេចឡាន១១គ្រាប់ ទាំងយប់អត់អ្នកហ៊ានចូលឃាត់កាលពីវេលាយប់ម៉ោងជាង១១ ថ្ងៃទី១៦ ខែវិច្ឆិកា ឆ្នាំ២០១៨ ស្ថិតនៅតាមបណ្ដោយផ្លូវ ១៧៣ ស្ថិតក្នុងសង្កាត់ទួលស្វាយព្រៃទី១ ខណ្ឌចំការមន រាជធានីភ្នំពេញ។
សមត្តកិច្ចមួយរូបសុំមិនបញ្ចេញឈ្មោះបានប្រាប់ឲ្យដឹងថា មន្ត្រីនគរបាលដែលបានបាញ់បោះសេរីខាងលើមានឈ្មោះថាឌិនវណ្ណណូ រ៉ាអាយុ៣៨ពាក់សក្តិ៥។
ប្រភពពីកន្លែងកើតហេតុ បានឲ្យដឹងថា មុនពេលកើតហេតុជនបង្ក បានបើករថយន្ត ម៉ាកហាយលែនឌ័រ ពណ៌កណ្តុរប្រមេះ ពាក់ស្លាកលេខភ្នំពេញ 2U-3913 បើកមកឈប់នៅទីតាំងចំណុចកើតហេតុខាងលើ រួចបានចុះពីលើរថយន្តដើរចូលទៅផឹកសុី ក្នុងខារ៉ាអូខេ។
បានមួយសន្ទុះក្រោយមក កំពុងតែផឹកស៊ីឆ្ងាញ់មាត់ផងនោះ ស្រាប់តែម្តាយរបស់ខ្លួនចូលមកដល់បន្ទប់ការ៉ាអូខេ ហើយបានស្តីបន្ទោសពីរឿងដើរផឹកស៊ីចូលខារ៉ាអូខេ។ ដោយទប់ចិត្តខឹងផង ខ្មាសគេផងមិនបាននោះ ជនបង្កដែលជាកូន បានដកកាំភ្លើង បាញ់រះទៅលើរថយន្តខ្លួនឯង ប្រហែល ១១គ្រាប់ បណ្តាលធ្លុះកញ្ចក់ខាងមុខ និងខាងក្រោយ បន្ទាប់មកបានគេចខ្លួន ចេញពីកន្លែងកើតហេតុ បាត់ស្រមោលបន្សល់ទុកតែរថយន្តរបស់ខ្លួននៅនឹងកន្លែងកើតហេតុ ។ចាំមើលមើលតើនាយឧត្តសេនីយ៍កងសុខនជាមេកើយគិតល្ម៉េចចំពោះកូនចៅអត់វិន័យ បាញ់បោះសេរីចឹង?
