ខេត្តកំពង់ឆ្នាំង ៖ អ្នកសារព័ត៌មានមួយក្រុមដែលមានគ្នាប្រមាណជាង ២០នាក់ត្រូវបានគេហាមឃាត់នៅព្រឹកថ្ងៃទី១២ ខែវិច្ឆិកា ឆ្នាំ២០១៨ មិនឲ្យចូលទៅកាន់ទំនប់កុមារ ស្ថិតនៅភូមិអ្នកតាហាង ឃុំកំពង់ត្រឡាច ស្រុកកំពង់ត្រឡាច ដើម្បីចង់ដឹងថា តើការអភិវឌ្ឍន៍របស់ក្រុមហ៊ុន លោក រឿង ថាវរឹទ្ធ មានទីលំនៅខេត្តព្រះសីហនុ បានអនុវត្តទៅតាមច្បាប់ស្នើសុំទៅអាជ្ញាធរខេត្តដែរឬទេ? ។
កម្មករក្រុមហ៊ុនបានដាក់បារ៉ាស់ រារាំងក្រុមអ្នកសារព័ត៌មានមិនឲ្យចូលទៅថតរូបភាពឡើយដែលជាការរំលោភសិទ្ធិអ្នកសារព័ត៌មាន។តើពេលណាបានច្បាប់ស្តីពីសីទ្ធទទួលតិមានចេញឲ្យប្រជាពលរដ្ឋប្រើ?។
ការរារាំងរបស់ក្រុមហ៊ុននេះ អាចបញ្ជាក់បានថា ក្រុមហ៊ុនមួយនេះពិតជាមានភាពទុច្ចរិត ក្នុងការអនុវត្តផ្ទុយពីអ្វី ដែលខ្លួនបានស្នើសុំទៅអាជ្ញាធរខេត្ត។អ្នកសារព័ត៌មាន លើកឡើងថា បើសិនការអភិវឌ្ឍត្រឹមត្រូវហេតុអ្វីមិនឲ្យ ថតចុះផ្សាយ ដើម្បីឲ្យប្រជាពលរដ្ឋបានដឹង ។ ព្រោះប្រជាពលរដ្ឋបានរាយការណ៍ថាការអភិវឌ្ឍទំនប់កុមារខាងលើនេះ មិនធ្វើទៅតាមគោលការណ៍ នៃច្បាប់ស្នើសុំនោះឡើយ បែរជាដាក់គ្រឿងចក្របូមខ្សាច់ធ្វើអាជីវកម្មទៅវិញម្យ៉ាងវិញ។ប្រជាពលរដ្ឋបានបញ្ជាក់ទៀតថា នៅតំបន់នោះសម្បូរដោយផ្នូរបូរាណ ដែលក្រុមហ៊ុនបានឈូសឆាយប៉ះពាល់ទៀតផង។
ពួកគាត់បានស្នើសុំដល់អាជ្ញាធរស្រុកអាជ្ញាធរខេត្ត ជួយអន្តរាគមន៍ឲ្យបើកទូលាយដើម្បីអ្នកសារព័ត៌មានចុះទៅថតយករូបភាពបង្ហាញការពិតដល់ប្រជាពលរដ្ឋបានដឹងផង។ ជុំវិញបញ្ហានេះ យើងមិនអាចសុំការបំភ្លឺ ពីក្រុមហ៊ុន លោករឿង ថាវរឹទ្ធ បានទេ ។ គួររំលឹកដែរថា ក្រុមហ៊ុនរឿងថារិទ្ធ បានធ្វើពាក្យស្នើសុំទៅ ធនធានទឹក និងអាជ្ញាធរខេត្តកំពង់ឆ្នាំង ដើម្បីសុំអភិវឌ្ឍន៍ដោយសារបណ្តាញជួសជុលទ្វារទឹក និងទំនប់កុមារ ប៉ុន្តែ បែរជាដាក់គ្រឿងចក្របូមយកខ្សាច់ធ្វើអាជីវកម្មខុសច្បាប់ទៅវិញ។មិនទាន់មានការពន្យល់ពីអាជ្ញាធរស្រុកកំពង់ត្រឡាចអំពីករណីយ៍នេះនៅឡើយទេ៕
