ខេត្តមណ្ឌលគិរី ៖ ខេត្តមណ្ឌលគិរី គឺជាខេត្តមួយសំបូរទៅព្រៃឈើធំសុទ្ធសឹងជាឈើ ដែលមានតំលៃមិនអាចប្រៀបបាន ក៏ប៉ុន្តែបច្ចុប្បន្ន ត្រូវបានមេឈ្មួញកំពុងរកស៊ីដឹកជញ្ជូនតាមរថយន្តឡង់គ្រិះស័រ កែឆ្នៃរាប់សិបគ្រឿង នៅក្នុងមួយយប់ៗ ចូលតាមផ្លូវរម្យណីដ្ឋានប៉ូស្រា ឆ្ពោះទៅលក់នៅប្រទេសវៀតណាម តាមច្រកទ្វាទ្វេភាគី ណាំលៀកម្ពុជាវៀតណាម(ហៅប៉ុស្តិ៍៧) ក្រោមការគ្រប់គ្រងរបស់លោក សំរិត ណយ ដែលប្រចាំការនៅទីនោះជាអ្នកបើកដៃនិងឃុបឃិតគ្នាជាមួយមេឈ្នួញដឹកជញ្ជូនឈើប្រណិតយ៉ាងរំភើយ ដោយគ្មានសមត្ថកិច្ចណាហ៊ានធ្វើការបង្ក្រាបនោះឡើយ ។
បើប្រភពពីសមត្ថកិច្ចតូចតាចបានអោយដឹងថា ការដឹកជញ្ជូនឈើប្រណិតបានរលូនដូចសព្វថ្ងៃនេះគឺមានការបើកដៃពីមន្ត្រីពាក់ពន្ធ័នៅក្នុងខេត្ត ទើបការដឹកជញ្ជូនឈើបានយ៉ាងរលូនបែបនេះ មិនត្រឹមតែប៉ុណ្ណោះ ក៏មានអ្នកសារព័ត៌មានយើងរួមចំណែកនៅក្នុងការកស៊ីដឹកជញ្ជូនឈើប្រណិតឆ្លងដែនទៅប្រទេសវៀតណាមទៀតផង ហើយក៏ជាអ្នករត់ការចេញមុខយ៉ាងពេញទំហឹងដោយមិនខ្លាចអ្វីទាល់តែសោះ ឬមួយគាត់អាងខ្លួន ជាអ្នកសារពត៌មាន បានជាគ្មាននាក់ណាហ៊ានបង្ក្រាបនោះឡើយ ។
ហើយនាក់ទាំងនោះទៀតសោធត្រូវបានគេស្គាល់យ៉ាងច្បាស់ថា ឈ្មោះ ម៉ន ម៉ារេត ជាភ្នាក់ងារយកពត៌មានអោយ ទូរទស្សន៍ អាស៊ីអាគ្នេយ៍ ប្រចាំខេត្តមណ្ឌលគិរីទៀតផង អ្នកសារព័ត៌មានដែលយកតួនាទីទៅប្រព្រឹត្តឃុបឃិតជាមួយឈ្មួញរកស៊ីដឹកជញ្ជូនឈើប្រណិតខុសច្បាប់ដូចសព្វថ្ងៃនេះ តើត្រឹមត្រូវដែរឬយ៉ាងណា???
ដូច្នេះហើយសូមអោយរដ្ឋមន្ត្រីក្រសួងពត៌មាន ក៏ដូចជាមន្ទីពត៌មានខេត្តមណ្ឌលគិរី មានចំណាត់ការបែបណាចំពោះបុគ្គលម្នាក់ដែលកំពុងយកតួនាទីជាភ្នាក់ងារអោយទូរទស្សន៍ អាស៊ីអាគ្នេយ៍ ដែលកំពុងកាងឈើអោយមេឈ្មួញដូចសព្វថ្ងៃនេះ។ ទង្វើបែបនេះហើយដែលកំពុងធ្វើអោយ ជះឥទ្ធពលដល់អ្នកសារពត៌មានយើងទាំងអស់គ្នានោះទៀតផង ៕