ព្រៃវែង ៖នាព្រឹកថ្ងៃទី១២វិច្ឆិកាដោយគណៈកម្មការវាយតម្លៃ Guinness World Records បានប្រកាសទទួលស្គាល់ថាជាទូក ង (Dragon Boat) មានឈ្មោះ «កម្ពោជិកបុត្តាខេមរាតរី» ដែលមានអត្ថន័យថា «ទូកងរបស់កូនខ្មែររស់នៅក្នុងដែនដីកម្ពុជា»ជាទូកវែងជាងគេបំផុតក្នុងពិភពលោក ទូក «ង» ដែលបានបំបែកឯតទគ្គកម្មនិងកត់ត្រា នៅក្នុងសៀវភៅ World Guinness Record។
ទូកងដែលចាត់ទុកថាប្រវែងនេះមានរហូតដល់៨៧.៣ម៉ែត្រ, ទទឹង១.៩៤ ម៉ែត្រ និងជម្រៅ០.៨ម៉ែត្រ ត្រូវរចនាឡើងដោយផ្នែកខាងក្បាលទូក ធ្វើជាក្បាលនាគ និងកន្ទុយហង្ស ប្រកបដោយក្បូរក្បាច់រចនាល្អប្រណិត ដែលផ្ទុកចំណុះបាន ១៧៩នាក់ ។
ទូកងវែងជាងគេលើលោកកើតឡើងដោយការផ្ដួចផ្ដើមធ្វើដោយលោក ស សុខា កាលនៅអ្នកតំណាងរាស្ត្រមណ្ឌលព្រៃវែង និងគណកម្មការសាលាខេត្ត សហការជាមួយសហភាពសហព័ន្ធ យុវជនកម្ពុជាខេត្តព្រៃវែង ។
ពីធីបើកសម្ពោធជាផ្លូវការ និងបំបែកកំណត់ត្រាឯតទគ្គកម្មជា ទូកងវែងជាងគេលើពិភពលោក ដោយមានវត្តមានដ៏ខ្ពង់ខ្ពស់ពីឯកឧត្តម ហ៊ុន ម៉ានីតំណាងរាស្ត្រនិងជាប្រធានសហពន្ធ័យុវជនកម្ពុជានិងវត្តមានសម្តេចក្រឡាហោមសខេងឧបនាយករដ្ឋមន្ត្រីរដ្ឋមន្ត្រីមហាផ្ទៃចូលរួមជាកិត្តិយស អញ្ជើញចូលរួមជាកិត្តិយសក្នងពិធីផងដែរ។
ដោយឡែកក្នុងពិធិនោះដែរតារាសម្តែង លោក ហម ឈរ៉ា និងកញ្ញា ហ៊ិន ច័ន្ទនីរ័ត្ន ត្រូវបានតែងតាំងជាទូតសុច្ឆន្ទៈទូក ង វែងជាងគេ ដើម្បីបំបែកឯតទគ្គកម្មពិភពលោក ឈរលើស្មារតីរួមគ្នា ដើម្បីមោទនភាពជាតិគណៈកម្មការផលិត ទូក ង ។តារាទាំងពីរសម្តែងជាតួព្រះបាទជ័យវរ្ម័នទី៧ : លោក ហម ឈរ៉ា , តួព្រះនាងឥន្ទ្ររទេវី : កញ្ញា ហ៊ិន ចន្ទ័នីរត្ន័ ។
