បន្ទាយមានជ័យ៖ កាលពី ថ្ងៃទី០៨ ខែវិចិ្ឆកា ឆ្នាំ២០១៨ កម្លាំងកងរាជអាវុធហត្ថខេត្ត បានចុះប្រតិបត្តិការហាមឃាត់ និងបញ្ឈប់ការជីកកកាយដីភ្នំដោយខុសច្បាប់ ចំនួន ០២គោលដៅផ្សេងៗគ្នា៖
១-នៅចំណុចភ្នំស្រេះ ស្ថិតនៅភូមិស្រេះកើត ឃុំព្រះនេត្រព្រះ ស្រុកព្រះនេត្រព្រះ។ ២-នៅចំណុចភ្នំតាដុង្គ ស្ថិតនៅភូមិបន្ទាត់បោះ ឃុំតាផូ ស្រុកស្វាយចេក ។
ការចុះបិទនេះគឺធ្វើតាមបញ្ជាពីលោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និង លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងដោយមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត។
ការចុះផ្អាកការដ្ឋានជីកភ្នំយកដីលក់ខុសច្បាប់នេះប៉េអឹមបានឃាត់ខ្លួនជនពាក់ព័ន្ធ ចំនួន ០៦នាក់ ព្រមទាំងដកហូតវត្ថុតាងរួមមាន ៖ -អេស្កាវ៉ាទ័រ ចំនួន ០២គ្រឿង -សាស័រ ចំនួន ០១គ្រឿង -ម៉ាស៊ិនកិនថ្ម ចំនួន ០១គ្រឿង និងរថយន្តដឹកដី ចំនួន ០៣គ្រឿង ។ បច្ចុប្បន្នកម្លាំងជំនាញ កំពុងកសាងសំណុំរឿង ដើម្បីចាត់ការទៅតាមនីតិវិធី ។
សូមបញ្ជាក់ថាកាលពីថ្ងៃទី៤ ខែ វិច្ឆិកា ឆ្នាំ២០១៨រថយន្តដឹកដី១គ្រឿងបើកឡើងលើភ្នំដើម្បីឈប់រង់ចាំអេស្កាកាយដីដាក់ បានធ្លាក់បណ្តាលឲ្យសង្កត់ស្លាប់តៃកុងរថយន្តម្នាក់ ស្ថិតនៅភូមិទ្រយោង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។
អ្នកបើករថយន្តបែនដឹកដីម៉ាកហ៊ីណូ១គ្រឿង ពាក់ស្លាកលេខបាត់ដំបង ៣A ១១០៧ មានឈ្មោះ ឃិញ ស៊ី ភេទប្រុស អាយុ២២ឆ្នាំ រស់នៅភូមិឃុំកើតហេតុខាងលើដែលបានស៊ីឈ្នួលបើករថយន្តឲ្យថៅកែមានឈ្មោះយឿន សំបូរ ភេទប្រុស អាយុ៣៣ឆ្នាំ រស់នៅភូមិ ភ្នំលៀប ឃុំភ្នំលៀបស្រុកព្រះនេត្រព្រះ ។ ក្រោយកើតហេតុបានសមត្តកិច្ចចុះបិទករដ្ឋានជីកដីអត់ច្បាប់នោះតែគេមិនដឹងថាតើអាជ្ញាធរដែនដីដែនបើកដៃឲ្យមានជាប់ទោសដែរឬអត់នោះទេ?។