ភ្នំពេញ ៖ ទណ្ឌឹតជាង៥០០នាក់នឹងត្រូវបានលើកលែងបន្ធូបន្ថយទោសនៅក្នុងឱកាសបណ្យជាតិធំៗនាពេលខាងមុខនេះ។លោក សុច សុផាន់ណារ៉ា អគ្គនាយករងនៃអគ្គនាយកដ្ឋាន កិច្ចការអយ្យការ និងព្រហ្មទណ្ឌ បានឲ្យដឹងថា បុណ្យអ៊ុំទូក ឆ្នាំនេះ មានទណ្ឌិតចំនួន៥២៣នាក់ (ស្ដ្រីចំនួន៣៧នាក់) ត្រូវបានស្នើរសុំការលើកលែងទោស ពីរយៈមណ្ឌលកែប្រែ ចំនួន២៤ខេត្តក្រុងនិងមណ្ឌលកែប្រែ(ម៤)។
មូលហេតុលោក សុច សុផាន់ណារ៉ា បញ្ជាក់ថា ឆ្នាំនេះពិតជាពិសេសខុសពីឆ្នាំមុនៗ ដោយសម្ដេចតេជោ នាយករដ្ឋមន្ដ្រី បានបញ្ជាឱ្យក្រសួងយុត្តិធម៌ ពិន្យិតមើលលើការបន្ធូរបន្ថយទោសបន្ថែមសម្រាប់ពិធីបុណ្យចំនួន៣ទៀតគឺបុណ្យឯករាជជាតិ បុណ្យភ្ជុំបិណ្ឌ និងបុណ្យទិវាឈ្នះឈ្នះ ដែលប្រព្រឹត្តទៅនៅថ្ងៃ២៩ ធ្នូ ខាងមុននេះ។
ពតិមានស្តីពីការលើកលែងទោសនេះបានធ្វើឡើង នៅស្ដីការក្រសួងយុត្តិធម៌ នៅរសៀលថ្ងៃទី៣១ខែតុលានេះដើម្បីពិនិត្យមើល លើកសំណើរ សុំការបន្ថូរ បន្ថយទោស ក្នុងព្រះរាជពិធីបុណ្យអ៊ុំទូក បណ្តែតប្រទីបនិងសំពះព្រះខែ អកអំបុក នាពេលខាងមុខ ក្រោមអធីបតីភាពឯកឧត្ដម អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការថ្នាក់ជាតិ ដោយមានការចូលរួមពីតំណាងស្ថាប័នពាក់ពន្ធ័ជាច្រើនរូបទៀត។
