មណ្ឌលគិរី៖ ឡនប្រភេទយីឌុបដឹកឈើយីឌុប របស់ឧកញ៉ាតុបវិដាចេញពីក្រុមហ៊ុនយូនីហ្គ្រីនក្រឡាប់ស្ល្លាប់មនុស្សម្នាក់ កាលពីវេលាម៉ោង៩និង៣០នាទីយប់ ថ្ងៃទី១ ខែវិច្ឆិកា ឆ្នាំ២០១៨ចន្លោះគីឡូម៉ែត្រ ៩៤-៩៥ ភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី។
ករណីយ៍ឡាន ដឹកឈើ ក្រឡាប់ស្លាប់អ្នកបើកទាន់ហន់មួយនេះបង្ហាញថាការប្រកាសរបស់លោកស្វាយសំអ៊ាងអភិបាលខេត្តមណ្ឌលគិរីថាក្នុងអាណាចក្រលោកគ្មានបទល្មើសព្រៃឈើគឺជាការភូតកុហកមនុស្សទូទៅពិសេសមេរបស់លោកគឺសម្តេចក្រឡាហោមសខេងតែម្តង!។
សូមបញ្ជាក់ថាកាលពីថ្ងៃទី២៣កញ្ញាឆ្នាំ២០១៨ក្នុងពិធីបូកសារ៉ុបការកាងារបោះឆ្នោតសកលនៅខេត្តបាត់ដំបងសម្តេចក្រឡាហោមសខេងបានប្រកាសឲ្យលោកស្វាយសំអ៊ាងបង្ក្រាបទប់ស្កាត់បទល្មើសព្រៃឈើក្នុងអាណាចក្រខេត្តមណ្ឌលគិរីព្រោះលោកទទួលបានរូបភាពពីអង្គការថាមានបទល្មើស។តែអ្វីដែលហួសចិត្តនៅក្នុងប្រតិបត្តិការចុះស្រាវជ្រាវកាលពីថ្ងៃទី៣១កញ្ញាឆ្នាំ២០១៨លោកស្វាយសំអ៊ាងប្រកាសប្រាប់កាសែតថារកមិនឃើញមានបទល្មើសព្រៃឈើទេ(ស៊ិក)។បន្ទាប់ពីការប្រកាសនោះមកមានសេចក្តីរាយការណ៍អំពីបទល្មើសព្រៃឈើកើតឡើងជាបន្តបន្ទាប់ចេញទៅស្រុកយួនតាមច្រកព្រំដែនទ្វេរភាគីដាក់ដាំនិងណាំលៀតែសមត្តកិច្ចស្ងាត់ឈឹងដេកចាំស៊ីរបប។
សូមបញ្ជាក់ថា រថយន្តដែលក្រឡាប់នេះម៉ាក យីឌុបជារថយន្តមួយក្នុងចំណោមរថយន្តចំនួន៥គ្រឿ ដឹកឈើចេញពីក្រុមហ៊ុន យូនីគ្រីន ចេញពីស្រុកកោះញែកឆ្ពោះទៅស្រុកកែវសីម៉ាទៅកាន់ខេត្តត្បូងឃ្មុំ ដើម្បីនាំឈើចេញទៅប្រទេសវៀតណាមដែលគេស្គាល់ថាជារបស់ឧកញ៉ាតុបវិតា។ មនុស្សដែលស្លាប់ម្នាក់ឈ្មោះ មាស សុផាន ភេទប្រុស អាយុ៣៤ឆ្នាំរស់នៅភូមិស្លាបក្ដោង ឃុំជីរោ២ ស្រុកត្បូងឃ្មុំ ខេត្តត្បូងឃ្មុំ ។ លោក យឹម ចិន្តា ជានាយការិយាល័យចរាចរជើងគោកនគរបាលខេត្តមណ្ឌលគិរីបានឲ្យដឹង។លោក យឹម ចិន្តា បានបញ្ជាក់ថា គ្រោះថ្នាក់ចរាចរណ៍នេះ កើតឡើងដោយសាររថយន្ដធុនធ្ងន់ ដែលគេពេញនិយមហៅ ម៉ាកវេអង ពណ៌ស គ្មានស្លាក់លេខ ។
លោកស្នងការរងបានអះអាងថា មូលហេតុនាំឲ្យក្រឡាប់នេះ ដោយសាររថយន្ដរបស់ឧកញ៉ាឈ្មួញឈើ ចាស់ទ្រុឌទ្រោមពេក ហើយដឹកឈើលើសទម្ងន់ហួសច្បាប់កំណត់ ដូច្នេះនៅពេលចុះចំណោតរថយន្ដ ក៏ដាច់ទុយ៉ូហ្វ្រាំងរេចង្កូត ទើបអ្នកបើកបរបាត់ម្ចាស់ការ ក្រឡាប់ដោយខ្លួនឯងតែម្តង។ទាក់ទងករណិយ៍នេះប្រភពបញ្ជាក់ថា យប់នោះមានឡានដឹកឈើចេញ៥គ្រឿង ក៏ប៉ុន្តែមិនដឹងមានប៉េសេ (PC-Permit Cerficate = លិខិតអនុញ្ញាតឲ្យដឹកជញ្ជូន) ប៉ុន្មានគ្រឿងទេ ដោយគ្រាន់តែគេចាប់ឆែក ឃើញឡាន៣គ្រឿងមានប៉េសេ ប៉ុន្តែប៉ុន្មានគ្រឿងទៀត បានទៅផុតអស់ហើយ។ ចំណែកខាងមេព្រៃថា ប៉េសេហ្នឹងក៏ពិបាកដែរ ព្រោះអត់មានយកច្បាប់ដើមមកទេ យកតែអាប៉េសេហ្វូតូកូពី ។
នាព្រឹកថ្ងៃទី០២ ខែវិច្ឆិកា ឆ្នាំ២០១៨ មិនទាន់មានប្រភពច្បាស់លាស់ណាមួយ អាចបញ្ជាក់ថា ឈើនៅលើរថយន្តក្រឡាប់នេះ ជាឈើស្របច្បាប់ ឬខុសច្បាប់នៅឡើយដែរ ព្រោះមិនទាន់ឃើញមានឯកសារច្បាស់លាស់ណាមួយអាចបញ្ជាក់បានឡើយ។
សូមបញ្ជាក់ដែរថា៖ ក្នុងទឹកដីស្រុកកែវ សីមាខេត្តមណ្ឌលគីរី ក្នុងដែនជម្រកសត្វព្រៃ កែវសីមា ក្រោមការ គ្រប់គ្រង់របស់ លោក ព្រំ សុវណ្ណា នាយក ដែនជម្រកសត្វព្រៃកែវសីមា កាលពីវេលាម៉ោង៤ទៀបភ្លឺថ្ងៃទី២ខែវិច្ឆិកាឆ្នាំ២០១៨ នៅឃុំស្រែឈូកស្រុកកែវសីមា ក៏មានរថយន្តប្រភេទ កែច្នៃដឹកឈើយ៉ាង គគ្រឹកគ្រែងគ្មានខ្លាចក្រែងចិត្តមន្ត្រីសមត្ថកិច្ចណាសោះឡើយ។ចឹងៗហើយចៅហ្វាយខេត្តថាអត់មានបទល្មើសទៀត?៕
