ភ្នំពេញ៖ សំណុំរឿងលើករណីនៃការប្រើប្រាស់អំពើហិង្សាដោយចេតនា និងចែកចាយរូបភាពអាសអាភាសពីសំណាក់អតីតសង្សារជាមន្ដ្រីនគរបាលក្រសួងមហាផ្ទៃចំពោះតារាចម្រៀងផលិតកម្មភ្លេងរីខតកញ្ញា សុខ ចិន្ដា ហៅ វ៉ាន់ នីឡា ត្រូវបានសាលាឧទ្ធរណ៍ប្រកាសសាលដីកានៅថ្ងៃទី៣១ ខែតុលា ឆ្នាំ២០១៨នេះដោយតម្កល់សាលក្រមតុលាការរាជធានីភ្នំពេញទូកដដែល។
សូមបញ្ជាក់ថាករណីយ៍មួយនេះតុលាការរាជាធានីកាលពីរសៀលថ្ងៃទី១៥ ខែសីហា ឆ្នាំ២០១៧បានប្រកាសសាលក្រមរួចហើយ នៅសាលាដំបូងរាជធានីភ្នំពេញ ។១-ផ្តន្ទាទោស គុយ សិទ្ធិសក្តិចំនួន១ឆ្នាំ។២-សងជំងឺចិត្តចំនួន២០០លានរៀល។ប៉ុន្តែសាលក្រមនេះមិនត្រូវបានអនុវត្តន៍ឡើយដោយចៅក្រមជំមិនបានចេញដិការឲ្យចាប់ខ្លួនលោកគុយសិទ្ធិសក្តិ។
កញ្ញាវ៉ានីឡាបានសម្តែងការ អរគុណសមាគមមិត្តសិល្បៈស្ម័គ្រចិត្តជួយសង្គម, ក្រុមគ្រួសារតារាកម្ពុជា លោកមេធាវី នួន បូរ៉ា និងលោកមេធាវី ជា សុខចាន់ ក៏ដូចជាបងប្អូនសិល្បករ ដែលបានផ្តិតមេដៃលើញត្តិចំនួន៦០០នាក់ជាង តាមរយៈលោកជំទាវរដ្ឋមន្ត្រី ក្រសួងវប្បធម៌ ដើម្បីជំរុញចំណាត់ការ របស់ក្រសួងមហាផ្ទៃ។ នាងខ្ញុំសូមថ្លែងអំណរគុណមែនទែន។
មានការកត់សម្គាល់ថាថ្មីៗនេះ សមត្តកិច្ចបានចាប់ខ្លួនបុរសជនជាតិអ៊ីស្រាអែលម្នាក់ពីបទបង្ហោះរូបភាពរួមរក្ស័ជាមួយសង្សាជនជាតិខ្មែរដែលមានអង្គហេតុស្រដៀងគ្នាជាមួយរឿងកញ្ញាវ៉ានីឡា ៕
