ភ្នំពេញ ៖ លោកកែវចំរើនហៅព្រីងជាមន្ត្រីកងរាជអាវុធហត្ថរាជធានីភ្នំពេញកូនចៅលោកឧត្តមសេនីយ៍រត្ន័ស្រាង។តែអ្វីដែលគេស្គាល់លោក កែវ ចំ រើនហៅព្រីងថែមនោះគឺក្រៅពីតួនាទីជាប៉េអឹមលោកគឺជាអ្នកប្រកបរបរ បើកអាជីវកម្មល្បែងកន្ទុយលេខខុសច្បាប់មួយទៀតដោយមានកូនចៅជាច្រើននៅតាមមូលដ្ឋាននៃខណ្ឌ ទាំង១២ក្នុងរាជ ធានី ភ្នំ ពេញ ។
ប្រហែល ដោយសារអាង មានខ្នងបង្អែករឹងមាំទើប លោក ព្រីង មិនញញើត ជាមួយមន្ត្រីអាជ្ញាធរនិង សមត្ថកិច្ចមូលដ្ឋាន ក្នុងខណ្ឌ ទាំង១២ក្នុងសកម្មបើកល្បែង ស៊ីសងខុស ច្បាប់មួយនេះ ។
ប្រភពពីសមត្ថកិច្ចនៅតាមបណ្ដា ខណ្ឌនានាក្នុងរាជធានីភ្នំពេញ បានឲ្យដឹងថា លោក កែវ ចំរើន ហៅព្រីង គឺជាមេកន្ទុយលេខ (មេឆ្នោតយួន)ដ៏ល្បីល្បាញ ព្រោះគ្មានមន្ត្រីអាជ្ញាធរឬសមត្ថកិច្ច ណាហ៊ានប៉ះពាល់ ឡើយ។
ជាក់ស្ដែងរហូតមកដល់ពេលនេះលោក រ័ត្ន ស្រ៊ាង មេបញ្ជាកា រអាវុធ ហត្ថរាជធានីភ្នំពេញ និងលោក ស ថេត ស្នងការនគរបាលរាជធានីភ្នំពេញ ព្រមទាំងលោក ឃួង ស្រេង អភិបាលរាជធានីភ្នំពេញ មិនទាន់ចាត់វិធានការទប់ស្កាត់ទៅលើលោក កែវ ចំរើន ហៅព្រីង ដែល ជាមេ ឆ្នោតយួនដ៏ល្បីល្បាញនោះទេបើទោះជាសម្តេចក្រឡាហោមប្រកាសឲ្យបង្ក្រាបក៏ដោយ។
ជាក់ស្ដែងរយៈពេលប៉ុន្មាន ថ្ងៃកន្លងទៅនេះរឿងអាស្រូវខុសច្បាប់របស់ លោក កែវ ចំរើន ហៅព្រីង ត្រូវបានផ្សព្វផ្សាយ ជាសាធារណៈតាមបណ្ដាញព័ត៌មាន នានានិងតាមបណ្ដាញ ទំនាក់ ទំនង សង្គម (ហ្វេសប៊ុក)ផងដែរ ប៉ុន្តែព្រីងនៅតែព្រីងធើប្រដាប់អី។
ដោយសារល្បែងកន្ទុយលេខ ឬឆ្នោតយួនបន្តកើតឡើងយ៉ាង រាលដាលទើបបទ ល្មើសផ្សេងៗ ជាពិសេសអំពើចោរកម្មលួចឆក់ប្លន់ ក្នុងរាជធានីភ្នំពេញ ប៉ះពាល់យ៉ាងខ្លាំងដល់ដល់គោលនយោបាយកសាងភូមិឃុំមានសុវត្ថិភាពបង្កអសន្តិសុខ សង្គម ក៏ដូចជាការរស់នៅរបស់ប្រជាពលរដ្ឋ ប្រជាពលរដ្ឋសង្ឃឹមថា លោកឧត្តមសេនីយ៍ រ័ត្ន ស្រ៊ាង មេបញ្ជាការ អាវុធ ហត្ថរាជ ធានី ភ្នំពេញ និងជាមេបញ្ជាការរងអាវុធហត្ថលើផ្ទៃប្រទេស ពិនិត្យមើលទង្វើមិនប្រក្រតីរបស់លោក កែវ ចំរើន ហៅព្រីង ឡើងវិញជា ជាមិនខាប្រសិនបើអត់មានជំពាក់គុណកូនចៅទេ៕
