បាត់ដំបង ៖ មេឈ្មួញជីកយកដីលក់ ម្នាក់ បានប្រតិកម្មធ្ងន់ៗចំពោះអ្នកសារព័ត៌មានដែលចុះយកពតិមានក្រោយពេលមន្ត្រីជំនាញរបស់មន្ទីររ៉ែនិងថាមពលខេត្ត ចេញលិខិតផ្អាកសកម្ម
ភាពជីកកកាយជាបណ្តោះអាសន្ន ។
មេឈ្មួញនេះ ឈ្មោះ ហេង អេងដែលគេស្គាល់ថាជាឈ្មួញដើរទិញដីស្ទើរជុំវិញក្រុងបាត់ដំបងដើម្បី ជីកយកអាចម៍ដីលក់មាន ជម្រៅជ្រៅល្មើសច្បាប់កំណត់និងកំពុង បង្កការភ័យខ្លាចដល់ប្រជាពលរដ្ឋ ។
ក្រោយពីប៉ះទង្គិះជាមួយអ្នកកាសែតមន្ត្រីជំនាញចេញមកសម្របសម្រួលទើបលោក មេឈ្មួញឈ្មោះ ហេង អេង ព្រមទទួលស្គាល់ពីកំហុសដែលខ្លួនបានប្រព្រឹត្តខុសពី អាជ្ញាបណ្ណ័ពិតប្រាកដមែន ។
លោក ហ៊ឺ ដាវី អនុប្រធានមន្ទីររ៉ែនិងថាមពលខេត្តបាត់ដំបង បានអោយដឹងថា ច្បាប់ធ្វើអាជីវកម្មជីករណ្តៅដីកំរឹតត្រឹមខេត្ត តាមគោលការណ៍ច្បាប់អនុញ្ញាតិអោយជីកក្នុងទំហំដី១ហិកតានិងមានជម្រៅត្រឹម៥ម៉ែត្រប៉ុណ្ណោះ ប៉ុន្តែលោក ហេង អេង បានជីកលើសច្បាប់អនុញ្ញាតិជ្រៅជាង៥ម៉ែត្រ ។មន្ត្រីជំនាញបានចុះណែនាំច្រើនលើក ប៉ុន្តែលោក ហេង អេង មិនបានស្តាប់តាមការណែនាំពីមន្ត្រីពាក់ពន្ធ័ឡើយ។
ចំណាត់ការចុងក្រោយនេះមន្ត្រីជំនាញនឹងអប់រំហើយពិន័យគុណ១ជា២ទៅតាមច្បាប់ជាធរមាន ហើយតម្រូវអោយឈ្មួញខាងលើយកអាចម៍ដីមកចាក់បំពេញរណ្តៅវិញតាមច្បាប់កំណត់?!មិនដឹងថាធ្វើបានឬអត់នោះទេ?។
គួរបញ្ជាក់ថា ទីតាំងជីករណ្តៅដីរបស់មេឈ្មួញខាងលើមានជាច្រើនកន្លែងកន្លងមកស្ទើរជុំវិញក្រុង ហើយដែលទីតាំងចុងក្រោយនេះមានជម្រៅប្រមាណជិត២០ម៉ែត្រ ឋិតនៅក្នុងភូមិច្រាបក្រសាំង សង្កាត់វត្តគរ ក្រុង/ខេត្តបាត់ដំបង ។
ក្រុមមន្ត្រីជំនាញមន្ទីររ៉ែ និងថាមពលនិងដឹកនាំកម្លាំងចម្រុះខេត្ត ចុះត្រួតពិនិត្យទីតាំងរណ្តៅដីមួយកន្លែង កាលពីថ្ងៃទី១៦ តុលា ២០១៨ រកឃើញរណ្តៅដីខុសច្បាប់បានកំណត់ត្រូវ បានធ្វើកំណត់ហេតុផ្អាកសកម្មភាពការជិក រណ្តៅដីរបស់លោក ហេង អេង មួយរយៈសិន ដោយធ្វើការផាកពិន័យទៅតាមតម្លៃ ។
លោក ហ៊ឺ ដាវី អនុប្រធានមន្ទីររ៉ែ និងថាមពលខេត្ត បានឲ្យដឹងថា ក្រុមចំរុះ ធ្វើកំណត់ហេតុឲ្យលោក ហេង អេង ម្ចាស់រណ្តៅដីរូបនេះ ផ្អាកសកម្មភាពជីកដី ហើយបន្តធ្វើការវាស់វែង រកក្រឡាម៉ែត្រ ជាក់លាក់ដើម្បីធ្វើការផាកពិន័យតម្លៃ X២/ ១ម៉ែត្រ១ការ៉េ ហើយតម្រូវឲ្យលប់រណ្តៅនោះ ឲ្យស្មើនិង ៥ម៉ែត្រវិញទៅ តាមច្បាប់កំណត់ ។
ខាងមន្ទីររ៉ែ និងថាមពលខេត្ត បានចេញលិខិតលេខ៣២១ រថ.បប ចុះថ្ងៃទី៣១ ខែសីហា ឆ្នាំ២០១៨ ស្តីពីការជូនដំណឹងដល់អាជីវករ ក្រុមហ៊ុនដែលមានច្បាប់ ផុតសុពលភាព និងអត់ច្បាប់រកស៊ីជីកយក ដីក្រហមក្នុងភូមិសាស្ត្រខេត្តបាត់ដំបងត្រូវបញ្ឈប់ ឬផ្អាកសកម្មភាពខាងលើជាបន្ទាន់។ បើចង់បន្ត ត្រូវមកដាក់ពាក្យសុំនៅអង្គភាពច្រកចេញ ចូលតែមួយគត់នៅសាលាខេត្តបាត់ដំបង ចាប់ពីថ្ងៃចេញលិខិតនេះ ។
