ឧត្ដរមានជ័យ ៖ ប្រជាពលរដ្ឋ១២គ្រួសាររស់នៅភូមិស្រឡៅស្រោងឃុំលំងស្រុកអន្លង់វែងខេត្តឧត្ដរមានជ័យដែលរងគ្រោះព្រោះនាយទាហ៊ានប្តឹងចូលតុលាការថារំលោភយកដីបានវាយបកវិញដោយចោទថា ៖ លោកផ្កាយ២ទេស សំអាតនិងមន្ត្រីសុរិយោដីឃុបឃឹតគ្នារំលោភយកដីគាត់។
ប្រជាពលរដ្ឋចំនួន១២គ្រួសារខាងលើបានសូមអំពាវនាវទៅដល់ក្រសួងពាក់ពន្ធ័ ដូចជាក្រសួងការពារជាតិ ក្រសួងទំនាក់ទំនង រដ្ឋសភាព្រឹទ្ធសភា និងអធិការកិច្ច និងក្រសួងរៀបចំដែនដីសំណង់និងសុយោដីដាក់ការសើបអង្កេត លើបណ្ណ័កម្មសិទ្ធ មិនប្រកតីនិងក្លែងក្លាយជាច្រើន នៅតំបន់សហគមន៍ អូសាភីគីរីព្រៃស្រោង និង ដី១៦០ហិចតាដែលពួកគាត់ខំរុករាននៅចំណុចអូរសាភី ចាប់តាំងពីឆ្នាំ២០០២មក។
ករណីយ៍នេះមេភូមិស្រឡៅស្រោង លោក អីសំប៊ុន បានអោយដឹងនៅថ្ងៃទី១៤ខែតុលានេះថា ប្រជាពលរដ្ឋបានស្នើអោយយុវជន វាស់វែងធ្វើបណ្ណ័កម្មសិទ្ធដែល តែគេមិនធ្វើអោយ ។ចឹងតើហេតុអីគេបានមានបណ្ណ័កម្មសិទ្ធមកពីណា ? លោកមេភូមិបានអះអាងថា៖ពលរដ្ឋទាំងនេះបានរុករានដីតំបន់នេះចាប់តាំងពីឆ្នាំ២០០២ពិតប្រាកដមែន ហើយគាត់ក៏បានជួយមើលថែរារាំងមិនអោយបុគ្គលមានអំណាច ណាមកបំពានដែរ។ តែបែមកចោទពលរដ្ឋគាត់ថាទៅរំលោភយកដីគេទៅវិញវាមិនត្រូវ។
ករណីយ៍មកប្ដឹងពលរដ្ឋទៅតុលាការទៀត ដោយអាងទៅលើប្លង់ឃុបឃិតគ្នាធ្វើនិង ទៅដើរយកឈ្មោះពលរដ្ឋមិនដឹងទៅដាក់ឈ្មោះគេធ្វើប្លង់កើតដែរ?។ អីឡូវនេះមានពលរដ្ឋបីនាក់ផ្ដិតមេដៃបដិសេធន៍ លោកទេសសំអាតលួចយកឈ្មោះគាត់ទៅធ្វើបណ្ណ័កម្មដែលរូបគេរមិនដឹងខ្លួន។
ប្រជាពលរដ្ឋសូមអំពាវនាវទៅដល់នាយឧត្ដមសេនីយ៍វង្ស ពិសេន អគ្គមេបញ្ជាការនិងជាមេបញ្ជាការកងយុទ្ធពលខេមរភូមិន្ទ ជួយដល់ពួកគាត់ជាជនពិការនិងជាជនក្រីក្រ ដែលត្រូវលោកផ្កាយពី ទេស សំអាត បម្រើការងារនៅនិយកដ្ឋានបញ្ជូនសារ នៃអគ្គបញ្ជាការកងទ័ពជើងគោក ដែលបានប្រើអំណាច បានឃុបឃិតជាមួយសុរិយោដី ធ្វើបណ្ណ័កម្មសិទ្ធ រំលោភយកដីគាត់១៦០ហិចតា ហើយប្ដឹងពួក គាត់ទៅតុលាការបន្ថែមទៀត ៕
