ភ្នំពេញ ៖ លោកឧត្តមសេនីយ៍សថេតអគ្គស្នងការរងនគរបាលជាតិត្រូវបានក្រសួងមហាផ្ទៃតែងតាំងជាស្នងការនគរបាលរាជធានីជំនួសស្នងការចាស់ដេលចូលនិវត្តន៍និងត្រូវបានតែងតាំងឲ្យទទួលភារកិច្ចថ្មី។
ថ្មីៗនេះ មានសេចក្តីរាយការណ៍ជាច្រើនបានលើកឡើងពីសមត្ថកិច្ចមួយរូបនៅ រាជធានីភ្នំពេញឈ្មោះ ឡា លីន ហៅ ឡា ជាប់ពាក់ព័ន្ធទៅនឹងបទល្មើសបន ល្បែងស៊ីសងដែលក្រសួងមហាផ្ទៃហាមឃាត់ ។
ឈ្មោះ ឡាលីន ហៅ ឡានេះត្រូវបានគេរាយការណ៍ថា មានសមត្ថភាពពង្រាយឥទ្ធិពល កូនចៅរបស់ខ្លួនបើកកត់កន្ទុយលេខឆ្នោត វៀតណាម ក្នុងរាជធានីទាំង១២ខណ្ឌ ។ ឈ្មោះ ឡា លីន ហៅ ឡា នេះត្រូវបានគេរិះគន់ថា មិនត្រឹមគាត់មានឱកាសបើកកត់កន្ទុយលេខឆ្នោត វៀតណាមស៊ីសងទាំង១២ខណ្ឌប៉ុណ្ណោះទេ គាត់មានសមត្ថភាពគ្រប់គ្រាន់ ក្នុងការពឹងពាក់ អាស្រ័យ សមត្ថកិច្ចអាជ្ញាធរ ឬស្ថាប័នអយ្យការ ដើម្បីបង្ក្រាបចាប់ទីតាំងកត់កន្ទុយលេខឆ្នោតណា ដែលមិនមែនជាដៃគូរបស់គាត់បានថែមទៀត ។
គេជឿថា សកម្មភាពទីតាំងកត់កន្ទុយលេខឆ្នោតវៀតណាម ពិតជាមានដ៏ព្រោងព្រាតនៅក្នុងមូលដ្ឋានខណ្ឌទាំង១២នៃរាជធានីភ្នំពេញមែន ខណៈសមត្ថកិច្ច អាជ្ញាធរ មូលដ្ឋានបង្ក្រាបមានកម្រិត (បង្ក្រាបខ្លះ យោគយល់ខ្លះ ទុកជាឆ្នាំងបាយខ្លះ) ម្ល៉ោះ ហើយថ្នាក់មូលដ្ឋានមានឱកាសលាក់លៀមជាមួយគណៈបញ្ជាការឯកភាពរាជធានីភ្នំពេញ ជាដើម។
សេចក្តីរាយការណ៍ខាងលើវាជាពតិមានសម្រាប់សាកល្បងការដឹកនាំរបស់លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និង ជាស្នងការនគរបាលរាជធានីភ្នំពេញថាតើលោក អាចដឹង ថាមាននាយនគរបាលណាខ្លះនៅស្នងការ ជាប់ពាក់ព័ន្ធនឹងការទទួលផលប្រយោជន៍ពីមេបនល្បែងស៊ីសងនៅក្នុងរាជ ធានីភ្នំពេញខ្លះដែរអត់? ។
បញ្ហាល្បែងស៊ីសង គឺជាអំពើល្មើសច្បាប់ កន្លងមកទាំងសម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ទាំងលោកអភិបាល នៃគណៈអភិបាលរាជធានីភ្នំពេញ បានយកចិត្តទុកដាក់ពង្រឹងដល់សមត្ថកិច្ច អាជ្ញាធរ ត្រូវទប់ស្កាត់និងបង្ក្រាប ឲ្យខានតែបាន ដើម្បីសន្តិសុខ សណ្តាប់ធ្នាប់ ស្ថិរភាព ការរស់នៅរបស់ប្រជាពលរដ្ឋក្នុងមូលដ្ឋានតាមគោលនយោបាយភូមិឃុំមានសុវត្ថិភាព ។
