ភ្នំពេញ៖ ប្រជាពលរដ្ឋសហគមន៍វិមានទ្រង់ ហៅសហគមន៍ (នគរថ្មី) ក្នុងសង្កាត់ក្រាំងធ្នង់ ខណ្ឌសែនសុខ ចំនួន៨៣៧គ្រួសារ បានទទួលបណ្ណកម្មសិទ្ធិអចលនវត្ថុស្មើនឹង៨៣៧ក្បាលដី ស្របច្បាប់ពីរដ្ឋបាល រាជធានីភ្នំពេញហើយ នាព្រឹកថ្ងៃទី២២ ខែតុលា ឆ្នាំ២០១៨ពីលោក ឃួង ស្រេង អភិបាលរាជធានីភ្នំពេញ ។
លោក ឃួង ស្រេង បានលើកឡើងថា ការចុះបញ្ជីដីធ្លី បានផ្តល់នូវសារប្រយោជន៍២យ៉ាងដល់រដ្ឋយើងផង និងដល់ប្រជាពលរដ្ឋគឺធានាបាននូវភាពកក់ក្តៅ សុវត្ថិភាពដីធ្លី និងសិទ្ធិកាន់កាប់ដីធ្លីពេញលេញជូនប្រជាពលរដ្ឋ ហើយវិញ្ញាបនបត្រសំគាល់អចលនវត្ថុ គឺមានសារសំខាន់សំរាប់ជាភស្តុតាង នូវការកាន់កាប់ដីធ្លីរបស់ខ្លួន និងជៀសវាងការរំលោភបំពានលើដីធ្លី។
បណ្ណនេះ ក៏អាចផ្តល់លទ្ធភាពដល់បងប្អូនប្រជាពលរដ្ឋយើង ដើម្បីយកទៅដាក់ធនាគារ ក្នុងការខ្ចីលុយ យកមកប្រកបរបរអាជីវកម្មផ្សេងៗទំនាស់ដីធ្លី។
រ លោក ឃួង ស្រេង ក៏បានរំលឹកឡើងវិញផងដែរនូវប្រសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានលើកឡើង ក្នុងកិច្ចប្រជុំកំពូលមេគង្គ-ជប៉ុន លើកទី១០ ដែលទើបបញ្ចប់ទៅ នាពេលថ្មីៗនេះ ពីការមិនដោះដូរអធិបតេយ្យភាពជាតិ ជាមួយបរទេស ការមិនយកសន្តិភាពរបស់ប្រទេស ទៅដោះដូរជាមួយជំនួយ ហើយសម្តេចតេជោ បានបញ្ជាក់ ជំហរយ៉ាងច្បាស់ថាកម្ពុជា ត្រូវប្រឹងរស់ងើបឈរឡើង ដើម្បីការពារឯករាជ្យអធិបតេយ្យ និងសន្តិភាពរបស់ប្រទេស៕
