ភ្នំពេញ ៖ លោកឃួងស្រេងអភិបាលក្រុងបានដឹកនាំមន្ដ្រីចុះពិនិត្យ ជាក់ស្ដែង ការងារដាក់លូ នៅតាមបណ្ដោយផ្លូវសហពន្ធ័រុស្ស៊ី ខណ្ឌពោធិ៏សែនជ័យ និងនៅខណ្ឌសែនសុខ នៅថ្ងៃសៅរ៏១១កើត ខែអស្សុជ ឆ្នាំចសំរឹទ្ធិស័កព.ស២៥៦២ ត្រូវ និងថ្ងៃទី២០ តុលា ឆ្នាំ២០១៨ ។
នៅឱកាសចុះពិនិត្យនោះ ពាក់ព័ន្ធ នឹងកិច្ចការងារ ប្រព័ន្ធលូ នៅតាមបណ្តាយផ្លូវសហពន្ធ័រុស្ស៊ី ចាប់ពីផ្លូវ២០១១ ដល់ដងន័ង្គល និងប្រឡាយទួលសំពៅស្ថិតក្នុងតបន់ភូមិសាស្ត្រ ភូមិដំណាក់ សង្កាត់គោកឃ្លាង ខណ្ឌសែនសុខ នោះ លោកក៏បានបញ្ជាឲ្យមន្ដ្រីជំនាញ នៅមន្ទីរសាធារណការក្រុង ត្រូវគិតឲ្យហើយ រឿងសាងសង់ស្ថានីយ៏មួយកន្លែងទៀត គឺនៅប្រឡាយទួលសំពៅដែលមានកម្លាំងបូបបាន១២ម៉ែត្រគុបក្នុង១ម៉ោងផងដែរសម្រាប់ឆ្នាំ២០១៩ខាងមុខ ។
ដោយសារ ប្រឡាយទួលសំពៅមានតូនាទីយ៉ាងសំខាន់ក្នុងការរំដោះទឹកចេញពី ផ្លូវសហព័ន្ធរុស្ស៊ី សង្កាត់ចោមចៅទី១ ទី២ ទី៣ ខណ្ឌពោធិ៏សែនជ័យ និងតំបន់មួយចំនួនទៀត នៅក្នុងខណ្ឌសែន សុខ ដូចជាភូមិដំណាក់ សង្កាត់គោកឃ្លាង ភូមិក្រាំងអង្ក្រង សង្កាត់ក្រាំងធ្នង់ជាដើម។លោកបន្ដថា៖ តែជាទិសដៅចំពោះមុខ មន្ទីរសាធារណការ និងដឹកជញ្ជូនរាជធានីភ្នំពេញ និងត្រូវបន្ដពន្លឿនការងារ ដាក់លូទំហំមួយម៉ែត្រកន្លះ ២ខ្សែនៅប្រឡាយទួលសំពៅ ក្នុងភូមិក្រាំងអង្ក្រង សង្កាត់ក្រាំង រួម និងការកែសម្រួលតភ្ជាប់លូប្រឡាយនៅតំបន់នេះ អោយកាន់តែល្អប្រសើរជាងមុន។