ភ្នំពេញ៖ប្រជាពលរដ្ឋក្នុងនោះមានអ្នកនាងឆៃលីដាឡែន តារាចម្រៀងស្រីយេៗ ផងបានបង្ហាញពីអារម្មណ៍ហួសចិត្តជាខ្លាំង តម្លៃនៃការចតរថយន្ត របស់ភ្ញៀវ និងអ្នកធ្វើដំណើរនៅឯព្រមានយន្តហោះអន្តរជាតិភ្នំពេញ (ពោធិ៍ចិនតុង) រយៈពេលត្រឹមតែជាង១ម៉ោងប៉ុណ្ណោះ ត្រូវបង់ថ្លៃចំណតរហូត២៥ដុល្លារ។
តារាចម្រៀងអ្នកនាង ឆៃ លីដាឡែន បានបង្ហាញការហួសចិត្តតាមបណ្តាញសង្គមហ្វេសប៊ុកថា «ណាហ៊ានចតទៀតទៅ អ៊ីចឹងដាក់វ៉ាលីស ហើយចាំទៅចតនៅក្រៅ ទើបមិនអស់លុយច្រើន មិនស៊ីអីនៅក្នុងហ្នឹង ខ្លាចអស់លុយច្រើន ឥឡូវចតឡានចង់ថ្លៃស្មើស៊ីអីហើយ អ៊ីចឹងមិនបាច់ទេ ចតក្រៅព្រលាន…»។
ទាក់ទងនិងតម្លៃថ្លៃនៃនេះម្ចាស់ Account Facebook មួយមានឈ្មោះថារ៉ាម៉ាឌីម៊ូន( Ramady Moun) បានសរសេររៀបរាប់ភ្ជាប់ជាមួយវិក័យប័ត្របង់ថ្លៃចំណតរថយន្តនោះ ថា «តាមពិតចំណតរថយន្ត ដែលថ្លៃជាងគេបង្អស់លើលោកនេះ គឺនៅព្រលានយន្តហោះអន្តរជាតិភ្នំពេញសោះ ចតឡានរយៈពេលមួយម៉ោងសាមសិបពីរនាទី ត្រូវបង់ប្រាក់ដប់ម៉ឺនរៀល(១០០០០០៛) ដូចជាធ្វើស្រែលើខ្នងរាស្ត្រខ្មែរ ជ្រុលពេកទេដឹង?»។
ប្រភពនោះ បានបន្ថែមថា «សំបុត្រចូលទស្សនាអង្គរវត្ត ក៏មិនថ្លៃដល់ថ្នាក់នេះដែរ នៅអូស្ត្រាលី សិង្ហបុរី ទោះបីស្រុកបារាំង ដែលពួកវិនិយោគលោភលន់នេះមក ក៏មិនថ្លៃដល់អ៊ីចឹងដែរលោកព្រះ»។ភ្លាមៗនោះក៏មានការបង្ហោះចែករំលែកយ៉ាងព្រោងព្រាត ពីសំណាក់អ្នកលេងបណ្តាញសង្គមយក្សនេះ។សូមបញ្ជាក់ដែរថានៅព្រលានយន្តហោះអន្តរជាតិភ្នំពេញមានការកែសម្រួលចំណតនិងការគិតលុយបង្កភាពស្មុកស្មាញហើយគ្មានសន្តិសុខណាមកសម្រួលកុំឲ្យស្ទះយានយន្តឬប្រាប់ពីរបៀបគិតលុយថ្លៃចំណតឡើយ។
តាមធម្មតាបើចតក្រោម១០នាទីមិនគិតលុយទេ។តែបើលើសត្រូវគិតលុយ១ម៉ោង៥០០០រៀល។ការគិតលុយទៀតគឺម្ចាស់យានយន្តទត្រូវចុះពីរថយន្តទៅបង់លុយមុនសិនទើបមកបើកឡានចេញហើយយកវិក័យបត្រ័ដែលចូលទៅបង្ហាញម៉ាស៊ីនដើម្បីបើករនាំង។ម្ចាសយានយន្តខ្លះមិនដឹងធ្វើតាមទម្លាប់ចាស់គឺមកគិតលុយនៅច្រកចេញមិនមានប្រសិទ្ធភាពឡើយ។ចឹងត្រូវរត់ទៅបង់លុយសិនបង្កឲ្យមានការកកស្ទះ។អាឡូវបែកធ្លាយរឿងស៊ីលុយទៀត?៕
